漢年茶餐廳

營業中

休息中

住左大圍咁耐都好少食呢間，知道呢間好出名，又多人，見今日人少少就試下，叫左2樣share食。鹽焗雞飯好好彩，今次食鹽焗雞飯比左雞脾我地，因為正常轉雞脾要加錢。雞依然很滑很香，配埋個沙薑真係一流，唔怪得咁多人食。椒鹽豬扒飯(炒飯底+$10)比起鹽焗雞飯，其實我地仲鐘意食呢個飯多D，因為椒鹽好香，又多蒜，配豬扒無得輸，仲要改炒飯底，絕對昇華！重口味人士必選，仲要超大碟，食完好飽。下次經過都想再試下其他。

今日去大圍行街， 周圍睇吓有咩買返屋企食。 最尾揀咗呢間好多人推薦嘅茶餐廳， 見到佢OpenRice有咁多好評，網上咁多KOL話好食。 試吓招牌鹽焗雞炒飯底， 睇吓有冇伏先。首先， 骨多過雞，居然有兩舊雞踭搵笨。 再嚟，搵過晒成袋外賣佢都冇俾沙薑汁我 ， 需要明白呢幾件雞有浸雪味 ， 你連沙薑汁都慳埋真係好突出佢嘅雪味 最後個蛋炒飯太濕飯太腍：炒飯，最基本要乾身。 總括嚟講大圍有大把好嘢食， 下次可以試其他。 呢間唔會再有下次。

平日2點黎食大圍雞飯，都係坐無虛席！一坐低即刻叫左個雞飯要雞胸炒底，再試多個椒鹽豬扒飯炒底1. 雞飯（雞胸）炒底碟上 我自己鍾意啖啖肉，所以叫左雞胸，雞胸都完全唔鞋（當然冇得同雞髀肉比較），但我自己都好滿意！另外隻雞都好入味👍🏻👍🏻👍🏻雞肉份量都好多。另外加左$12 轉炒底，我就覺得好失色，個炒底完全唔香，當食白飯咁都冇乜分別，加左咁貴轉炒底，同期望嘅太大落差。2. 椒鹽豬扒飯炒飯碟上豬扒份量唔多但都大大件，椒鹽就唔係好見，亦唔見乾爽蒜粒，同時亦唔見椒絲，但講真味道就唔差嘅，入味兼辣辣地，我本人都過關，可惜都係個炒底麻麻，拉低左分數。整體而言，雞飯抵食，炒底可試，下次再去，會叫白飯.😜

大圍積福街有兩間茶記老字號✌🏻各自憑着招牌菜式在大圍名物榜上穩守多年，其中一間就是這次光顧，主打鹽焗雞的漢年茶餐廳🐔———————————————————————鹽焗雞賣相與一般燒臘店的白切雞無異🐥但入口鹽焗味道非常突出😎醃得十分入味，雞皮底下的油脂亦令雞肉充滿油香👍🏻可惜肉質方面明顯過熟🤨令雞肉尤其是雞胸位置偏韌難咬，整體來說未算太有特色🧐而炒飯水準更是令人大所失望🥲只因飯粒炒得未夠乾爽，濕潤得是用筷子都夾得起的程度🫨未能做到粒粒分明，鑊氣欠奉🙅🏻‍♂️而且炒飯有額外添加調味🤌🏻再配上本身已經鹹香味濃的鹽焗雞，個人認為未免太重口味🤫———————————————————————漢年的鹽焗雞飯水準普通，未算特別🤔作為街坊用餐選擇是絕對可以👌🏻但說到是大圍名物的話，本人認為未免過分誇張，有點名過其實😅

此店的鹽焗雞飯一直受網絡世界吹奏，近日見到同類youtube食評，因此特登慕名而來一試。正值星期六中午時段，門口大約排8-10人，店內快入快出，填鴨式的入座安排，造就了約5分鐘成功入座。入內眼見全場滿座，不論食物定食客都貨如輪轉，一張枱定必搭完再搭，可想而知一定係坐得又逼又唔舒服。環境方面夠晒懷舊，彷彿返到20年前食店水平。$67 鹽焗雞飯炒底(碟上) - 鹽焗雞味夠鹹，雞味欠奉，雞肉份量、質地正常。炒飯名不符實，睇相就知係一舊飯糰，基本搵唔到炒飯特質。碗同碟之間嘅分別只係份量差異，因為飯質關係，最終係冇食晒。網絡食評足以令食店自動升格，但有感過份吹奏，不會再來。

今日係大圍公幹同事就帶我來左呢間隱藏嘅小店食飯🍴鋪頭細細但人氣爆燈！晏晝飯點嚟到，門口已經排咗條龍，不過好彩翻枱速度夠快等咗15分鐘左右就有位⏰【金牌鹽焗雞飯🐔】飯可以揀 炒底或白飯底🍚 仲可以自選雞肉部位，鍾意啖啖肉嘅揀雞髀🍗驚肥就揀雞胸炒底 即係雞油蛋炒飯，用雞蛋同雞油爆香，飯粒炒得乾身香口夠鑊氣🔥雞肉鹽焗味濃郁得嚟唔會過鹹，雞皮焗到金黃微脆，咬落去肉質滑嫩得嚟帶少少彈牙，嗰層豐腴雞油滴落炒飯底度即刻昇華👏蘸埋佢哋嘅沙薑汁夠哂惹味😍超滿足👍

一直都聽講過大圍有一間鹽焗雞飯，好好味，但都冇乜機會，今日過去大圍探朋友終於有機會一試呢間鹽焗雞飯。我係叫外賣嘅去朋友屋企食，入到去叫外賣基本上每一台都係食鹽焗雞飯，原來白飯可以轉炒低，所以緊係轉啦。外賣返去盒飯都仲係暖暖哋嘅，雞嘅份量還可以，我鍾意重口味，所以加咗沙薑汁，味道更濃更重味。講返隻雞嘅味道，我覺得確實唔錯，鹽焗雞嘅味道好出色，無論雞皮或者雞肉都食得出，啲肉唔算好冧。炒飯底就偏腍，唔算粒粒分明，但味道都唔錯，飯嘅份量好大盒，對女士嚟講就好飽。總括嚟講，如果大家喺附近嘅話，呢間嘅鹽焗雞飯都值得一試

今日經過大圍，正好可以試一試鹽焗雞飯。好近火車站，行過一個街口就到，等位方面，雖然人多，但等得唔算耐，好快就有位坐。鹽焗雞飯可以揀髀飯，翼飯或者普通雞飯，我就揀左普通雞飯。另外，我見到好多人都叫「炒底」，睇落幾特別。不過我就想試下白飯底，因為我鍾意雞汁雞油滲落飯嘅味道。雞肉會食到鹽焗嘅香味，雞油味亦滲左啲落飯到，味道唔錯配埋沙薑啱啱好，肉質有咬口唔會太淋，不過咁啱我呢碟骨頭就多咗啲，整碟嘅份量都唔少，對得住價錢。如果你係唔鍾意麻煩嘅話，建議直接叫雞髀飯，啖啖肉食得過癮！總括嚟講，呢度嘅鹽焗雞飯性價比幾高，味道夠傳統，食完仲有種懷舊嘅滿足感！

上網睇人介紹特登入黎大圍試食，滿心期待，中午12時半不用等位，叫了一個雞胸飯炒底一個雞髀飯炒底，雞小小鹽冇乜特別普通客家咸雞，最特別係個炒飯，比壽司飯更粘，極度懷疑店家係撈飯唔係炒飯，完全唔熱一舊舊好似撈過頭的壽司飯，落單時叫了杯凍奶茶到食完都未黎，最後更話冇落單，明明落單加左錢😂85蚊有更加多好選擇😂

漢年茶餐廳 @ 大圍原先諗住去金城試下個煎肉餅/椒鹽豬爬飯再去睇場movie。點知到步時見到餐廳落落左1/10閘。緣hen一面見到隔離漢年都好似有d歷史加上都幾多人幫襯…即刻上網昅下咩料。原來出名鹽焗雞飯炒底。雖然有得揀我一定要無骨…但呢個時候有骨都要頂住先…呢度員工都非常親切…睇到好都係熟客黎…點左名物鹽焗雞飯炒底加杯凍檸茶少田個鹽焗雞跟友碟沙薑…呢個配搭真係無敵。不過望下碟炒飯…目測好濕…試下仲濕。濕既情度同檸檬整既雞蛋仔有得fight下。差d夾起粒飯會der不過炒飯味道係ok…主腳鹽焗雞都幾嫩滑…點埋個沙薑好味…可惜好多都背位無乜肉如果炒底乾身d加d雞上多肉d就好好多#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #大圍 #漢年茶餐廳 #鹽焗雞飯 #炒底 #茶餐廳 #港式

🥢鹽焗雞髀飯。這道菜的主角是鮮嫩的雞髀，經過鹽焗的烹調方式，讓雞肉吸收了鹽的精華，外皮金黃酥脆，而肉質則保持了濕潤和彈性。當你用刀切開雞髀時，肉汁立刻流出，散發著誘人的香氣，讓人忍不住想要立刻品嚐。炒飯底🥢而這道鹽焗雞髀飯最特別之處在於它的炒飯底。炒飯通常是由隔夜米飯製作而成，經過大火快炒後，米粒分明，不油膩，並且吸收了雞肉的鮮香。未到嚟講非常好食而且我哋都覺得CP值非常高，唯一嘅缺點就係唔係幾好坐，不過整體我哋都覺得合格

金牌鹽焗雞飯炒底 (碟) $66金牌鹽焗雞飯是漢年的名物, 可碗上, 亦可碟上; 可走胸走背走翼, 亦可指定部位; 可跟白飯, 炒底, 湯飯或粉麵, 配搭甚具彈性。 點了他們的金牌鹽焗雞飯炒底, 碗上和碟上的價格只差$3, 故點了碟上。碟上的份量不少, 但一人絕對可應付。炒底的飯充滿蛋香, 略嫌不夠乾身。鹽焗雞香味撲鼻, 約有10件, 啖啖肉, 肉質滑, 微鹹, 雖有點油, 但香口。隨飯附上沙薑醬, 甚油膩, 只宜把醬塗在雞件上, 避開多餘油份, 不宜直接把雞件沾上醬油。

星期六嘅下午茶時間都仲要排長龍，好彩排咗一陣就可以入啦🤩我哋要咗鹽焗雞髀飯，佢有分碗上或者碟上，雖然只係爭幾蚊，但唔想嘥嘢所以都係要碗上，雞嘅份量超多，配埋一碟沙薑醬，雞髀好滑好好味，啖啖肉，雞皮亦唔會太肥。見到其他客人叫炒飯底，有機會嘅話再嚟試下先😅星洲炒米足料，唔算太油，好快就食曬一碟😋評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺漢年茶餐廳大圍積福街100號地舖📍大圍港鐵站A出口2分鐘路程#healingbobo #foodie #hkfoodie #foodiehk #香港 #美食 #鹽焗雞 #鹽焗雞飯 #茶餐廳 #高質 #香港美食 #大圍 #大圍美食 #漢年茶餐廳

來到大圍吃早餐, 自不然會想起漢年, 雖然四周選擇不少, 亦有老是常出現的快餐店和茶餐廳, 但是偏好漢年的簡單平實。一入漢年, 顧客與店員早晨前早晨後的互動, 是這個年代少有的人情味。漢年門面雖然有年代感, 但內裡環境乾淨企理, 冷氣充足, 座位全是中式圓枱, 即使要搭枱也沒有壓迫感。看了看餐牌, 最後選了常餐, 雖然常餐已很豐富, 如可加少少錢追加煎蛋和多士, 這個早餐便更完美了。常餐1) 豬扒五香肉丁麵 $392) 凍阿華田 $3豬扒五香肉丁麵有豬扒2件, 兩件均肉厚, 表面煎得香口, 肉質不柴。五香肉丁肉質較柴, 但微辣惹味。菜心有1條, 新鮮爽口。光身麵麵質不錯, 泡久了也不會變腍。凍阿華田甜度適中, 冰量剛好, 接近喝完, 一粒冰也沒剩下來, 味道也沒變淡。

踩單車之前梗係要食飽個肚啦 喺租單車嗰條街就有一間出名鹽焗雞飯嘅漢年茶餐廳叫咗個🩵鹽焗雞炒飯底會跟一個沙薑汁🥴個雞都算滑唔算好肥都好嫩，會有少少雞油滲落個飯度點埋個沙薑汁撈飯一流啊🙂‍↕️不過個炒飯就略嫌有少少濕濕地🙊叫咗一碟都夠兩個人share～如果大圍嘅話有更加好嘅選擇既特登嚟食就會有啲浪費quota 🥲另外跟餐叫咗個檸檬茶走甜，茶底嘅質素都唔錯😗不過呢度人情味好好🙂‍↕️侍應好有禮貌同埋好多熟客仔