雋園火鍋

營業中

休息中

今日第一次上樹仁大學附近搵個朋友食飯，咁上樹仁大學就要上寶馬山啦，得一架小巴巴士上到去好偏僻，咁大家都知而家疫情啦，唔係該校嘅學生係唔可以入去大學範圍入邊，所以我哋唯有喺個山頭度搵其他餐廳一齊食飯啦！咁我哋嚟到學校附近呢一個餐廳嘅集中地啦叫做，就有三四間唔同嘅餐廳集中左係一齊嘅，其中一間叫囍筷嘅就係佢哋樹仁大學生嘅專屬飯堂咁滯！但係講到明係專屬飯堂，就梗係好多學生喺度排緊隊買飯啦，所以我哋去咗隔離呢一間比較大d嘅雋園火鍋餐廳！咁我睇過啲食評同埋食個晚餐火鍋嘅人都話OK嘅，但係中午嘅午市套餐真係麻麻哋，咁我叫咗一個雲耳蒸雞飯啦再加一杯凍檸茶，啲飯係好多，但個餸菜就好一般，同埋佢哋啲凍檸茶用紙杯裝住嘅，所以感覺又差啲！不過可能佢晚市火鍋係會做得好食d，希望下次有機會試埋個晚市火鍋🍲