Penthouse by Harlan Goldstein (已結業)

2個月之前book, 之前唔明點解咁full, waiting list個weekend lunch buffet極都無位; 試過之後就明~ $388 + 10%, 每一款食物都非常之有質素!!雖然前菜同甜品種類唔算好多, 但每一款都好味, 淨係食前菜同甜品已食唔停, 好飽~首先, 我朋友非常之鍾意食pama ham, 所以佢已食好多轉, d蜜瓜/哈蜜瓜都好新鮮爽口~我就食沙律前菜食咗好多轉, 全部都好味, 沙律好新鮮配料算多; 前菜特別一提個個泰式酸辣鴨胸芋絲, 我原本都怕辣同唔鍾意食鴨胸, 但個泰式酸辣汁配得好好味好開胃, 所以怕辣都繼續食~未到主菜已忍唔住跳去甜品, 特別推介個拿破龠蛋糕非常之脆, 同個passion fruit甜品柸酸酸地好好味, 呢兩樣我又係狂encore~ 另外旁邊有個整雪糕機(佢地會幫你整, 個製作過程幾搞笑), 雖然個味道普通, 但個質感幾特別~已食到好飽, 主菜黎了, 我地叫咗個牛扒同海鮮risotto~ 兩款都非常好, 個牛好好味, 個risotto算多海鮮料~ 但因之前食到已飽, 所以主菜食唔哂要take away~最後連埋個latte, 好香~