135果園雞

營業中

休息中

聽講有人喺藍屋賣雞，所以專程去試吓。因為牌照問題，唔可以坐喺舖面食，要食一係就買外賣，一係就買完攞過隔離舖裡面嗰幾張凳、同bar檯食。不過唔知係唔係因為牌照問題，店員完全唔會理你；明知你過隔離食，都依然係畀你外賣膠飯盒、外賣膠湯碗、同即棄餐具，仲要用膠袋入住。OK，食完自己清潔係常識；食飽就一膠袋自己放入門口個大垃圾桶，店員連檯都唔會抺一吓。門口寫住主打奇香雞，雞無雞味，用大量中國芹菜同香料醃製；阿姐好明顯唔識斬雞，啲雞斬到碎濕濕，仲好多碎骨、滿口油。反而個例湯，同跟飯嘅蒜蓉莧菜就不錯。份量亦夠飽肚。