紅橋 (已結業)

將燒豬肋骨配蛋包飯，份量非常之多，豬肋骨切開有成六條，差唔多係出邊西餐廳一份嘅份量，但係呢度食嘅價錢$100都唔使，仲要包埋前菜餐湯蛋包飯同埋飲品，非常之抵食。豬肋骨嘅味道都唔錯，醃得好夠味。另外叫咗一個小食拼盤，入邊有蜜糖單骨雞翼，芝麻蝦多士，同埋蝦春卷。特別想推介嘅係芝麻蝦多士，本身以為係一塊好厚嘅多士，點知原來成塊都係蝦，有啲似台式月亮蝦餅嘅厚實版。蝦春卷亦都非常足料，又大大隻蝦喺入邊。總括嚟講呢間餐廳價錢非常親民，好抵食，而且仲有海南雞飯鰻魚飯意粉等等唔同嘅菜式。