美心Food2 (V Walk)

營業中

休息中

試過tea time 明明幅圖有半隻蛋，但拎到個餐時得d肉醬同白飯，由於未食過呢個餐既原因，所以我都唔確定係店員俾漏呀，定係我記錯左。之後再去食都唔敢再叫果個餐，但再次確認一下，原來我冇記錯，幅圖係有半隻蛋既今次第叫左個豐盛早餐啦，之前未食過呢個餐，拎餐時由於個餐有炸魚柳，而又冇沙醬，咁我就問店員唔該俾沙律醬，然後店員先發現，原來唔只俾漏左沙律醬，仲漏左茄汁豆😑雖然忙，俾漏野好正常，但都唔好成日呀，如果我唔係多口問句。我真係唔知原來個餐本身係有果d野而係店員俾漏左囉😑個炸魚柳味道正正常常，但係條腸仔真係出奇地難食，腸仔好少何可以咁難食，好乾好似食柴咁。而午餐肉呢，我本身就唔中意食既，所以就唔評價啦。