越發地道河內料理

營業中

休息中

上次午餐時間經過心思思想食呢間越南河粉，餐廳出面已經大排長龍，排排下有人話已經截左龍。今日特登早過開鋪時間嚟到，終於試到佢地最出名嘅河粉。餐廳雖然唔大，但環境企理乾淨，裝修簡約。枱上放有一杯暖水，有少少椰子味。餐廳老闆落單同出菜速度都幾快，我地落左單之後15分鐘內已經食得。招牌河粉嘅湯底清甜不濁，有淡淡牛骨香氣。牛柳軟嫩，而河粉係幼身河粉，幾滑，我覺得唔錯，但男友略嫌未夠淋身。河粉更附送左油炸鬼、青檸等配菜。如果你係唔食芫荽蔥，可以要求餐廳另上/走青。米紙煙靭，鮮蝦爽口，配料塞滿左米紙卷，蘸上清爽酸甜嘅醬汁，非常滿足。餐廳唔收加一，但服務質素好好。雖然係小店，但唔會俾人好急埋單趕人走嘅感覺。如果有時間排隊，不妨試下呢間餐廳。