倆口小吃 (已結業)

😎 小編有朋友carry可以睇🖐🏻五月天演唱會，梗係要帶佢食好西答謝佢啦！想有返啲台灣feel，揀咗之前喺元朗排隊食過嘅倆口小吃嘅中環新舖，一於食台灣小吃過埋口癮！😚🌮 套餐 - 傳統豬腩肉刈包 😋😋😋😋自選一款刈包，都係食返之前食過嘅口味！刈包蒸得軟熟偏稔，夾住三塊豬腩肉油脂感max😆，肉滷得入味，加咗柚子醬、花生碎同酸菜碎，仲有莞茜混合一齊，減輕食落肚嘅罪惡感！一個都填飽一大半個肚！🍟 套餐 - 炸蕃薯條 😋😋😋😋😋套餐包一份炸蕃薯條，灑上梅粉，兩者甜甜地好易入口！雖然menu寫係「小份」，但份量好多！飽足感大於一碗白飯！😲🥤 套餐 - 菊花茶 😋😋😋初頭以為係台式飲品，取餐發現原來係罐裝飲品 🤣 都ok嘅～ 唔太甜，清清地，當解下熱氣！晚餐 💵💵 約港幣$90/人💁🏻‍♀️ 佢哋進駐咗BaseHall food court，地方空間感大，好乾淨、骨緻！👍🏻 小編依日同朋友大約5點到，有好多仲想試嘅嘢食都賣晒 🥲 佢哋要用QR code落單同網上畀錢？！🤔 見店員忙到出汁，所以小編都係網上畀信用卡，然後等手機SMS取餐。如果大家想用其他方法畀錢，建議落單前主動問一問會穩陣啲！由Bas