純燒鳥 (已結業)

呢間嘢我哋成日都嚟，但係自從疫情之後就好似未嚟過，突然之間好想食串燒，於是就約咗我個酒肉朋友一齊去。 一去到，我哋當然就叫咗一杯啤酒，凍冰冰涼透心 ($7X)。 呢間嘢最好食嘅，我一定會推介明太子沙律！佢啲明太子咬落去粒粒卜卜趣，好過癮。我每次都掛住佢，不過唔平㗎，好似要$7X。 我哋又嗌咗辣腸，牛舌，雞泡魚乾，三文魚飯團，同埋雞翼。全部都好好味，雞泡魚乾送酒就一流。 之後叫咗一支清酒，好抵，三百幾蚊。再嗌多咗幾個小食(燒年糕)，但掛住食都冇影相，淨係影咗枝豆。臨尾，我哋都嗌咗一jar啤酒，好圓滿咁結束。 每位$815。