甜蜜蜜甜品專門店 (已結業)

今日我一家人真係成肚氣！話說我一家五口食完母親節飯入左呢間野度食糖水，叫左三碗野。黎到第二碗果陣，我地一食，大家一齊吐番哂出黎，因為有好強烈既「清潔精」味，好那口。我地即刻同佢職員講要取消呢碗野，佢拎走左又拎番黎話師傅話係正常既味道，我地堅持唔要，跟住佢就好臭串咁話我地入到黎，一定要一人叫一碗，一啲歉意都係仲話番我地轉頭，我地求其食左幾分鐘就去埋單，費事同佢嘈。點知比錢果陣呀姐係咁話我地，話啲野食係正常係無問題既！話自己開門做生意而我地無一人叫一碗根本係阻佢做生意！我地斯文人，食左啲有問題既野又比佢話又有比錢埋單而且無同佢嘈，但係依家番到屋企真係忍唔住要將件事話比大家知，幫唔幫趁佢大家自己決定。