老虎堂黑糖專売 (T.O.P This is Our Place)

營業中

休息中

珍珠奶茶舖喺香港越開越多， 而黑糖珍珠奶茶專門店老虎堂再係旺角落户。見食完飯有啲口渴，又唔係太多人排隊就決定試一試呢間專門店。買加等大概等咗15分鐘，都算快。 店舖有提示波霸奶茶要點飲，記得搖勻先好飲。 第一啖入口，首先係非常重嘅黑糖味，跟住然後再感受到陣陣嘅鮮奶味湧出嚟。珍珠非常彈牙可口，唔會有痴埋一齊嘅感覺，粒粒分明。唔知係濃黑糖味嘅緣故定係點，好似食到珍珠本身都係黑糖味。雖然整體嚟講唔算平，但還是值得一試。