花說 (已結業)

一去到間店，本身覺得位置都幾偏遠下，而第一眼望落去仲好細間咁，但當我入去坐低叫野食，佢好多野食都好靚，蛋糕啊，野飲都整得好少女style，咁我都冇期望佢野食會好食啦😂因為多數靚野都唔好食嘛🤣🤣但d野食黎到時，估唔到樣樣都好好食，我叫左個意粉，都比我平時食果d好味，仲有個黑松露薯條好好食，好香，絕對係值得再去第二次！而且果度環境好好，怖置到勁靚，仲有好多道具比人影相用，我都影左成100張相丫😂😂而且有個好似係老闆既女仔，好好人，好主動話幫我地影相tim。仲要係而家去開既餐廳都好嘈好多人，想傾計都傾唔到，呢間餐廳就舒服啦，講野都唔洗講到好大聲先聽到啊！