華麗餐廳

營業中

休息中

同同事去食飯，揀咗呢間酒店餐廳，食個半自助餐set因為係酒店，而且個裝修幾好，原本有啲期望坐低拎沙律，啲菜係...無味嘅。魚蛋...千年發水魚蛋，唔理口感的話，過得去啦叫咗個韓式泡菜石頭飯，熱就夠熱嘅，不過個飯都幾濕，啲汁偏多，而且無咩韓味...而佢部自助咖啡機啲咖啡無咩味，好淡，好在佢哋員工都有心嘅，同佢反映之後入廚房沖幾杯真．咖啡出嚟畀我哋...成餐最好味，竟然係部自助Pancake機，按一按等成分鐘先有餅出，原本以為伏，點知熱辣辣得嚟又好有餅味，加埋啲糖漿，味道竟然係一流...不過一夠鐘收檔，我哋都未食完，唔單止同你拎走哂機入面嘅Pancake粉，連個機都拆埋...真係好絕。好掛住個機。邊到有得賣，請指教。