影片
更多
2023-01-17
128 瀏覽
<Messina> 📍中環Landmark舊時Butter cake shop嘅位置變左做Messina，食意式雪糕(Gelato)。Pop-up store 有供應香港限定味道 — 蛋撻、港式奶茶、香港西多士🧈。新屎坑嘅我問職員試食以上兩款香港限定味道 🤭 但係最後一個都無要 🤣🤣🤣🤣🤣 （佢應該憎死我）搞搞震，有幫襯。最後叫左三個Scoops，承惠$95 。我最後都係揀啲大路味 — 開心果、咖啡、檸檬🍋(Sorbet)。先講左啲試食嘅味道，再講自選杯裝嘅大路野。蛋撻 — 💯蛋撻味，無撻Q！蛋味濃，加埋Gelato棉密嘅口感，似係未放入焗爐嘅蛋漿 🤣 應該放番入焗爐就可以做返蛋撻啦。香港西多士 — 感覺食緊西多士上面個煉奶同牛油，幾特別！花生醬味道都幾突出，不過有啲膩，我就唔會想成杯雪糕都係西多士味，同埋樓下茶記連餐茶$40有找 😝 所以最後都係冇揀。開心果 — 採用意大利布龍泰原產西西里開心果，平心而論我會覺得Venchi比較岩我口味。呢個雪糕嘅果仁味偏重，而開心嘅甜味就未夠突出。（小深奧 🤓 明就明，唔明就算）咖啡 — 採用真正的意式特濃咖啡炮製，Esspress
Landmark舊時Butter cake shop嘅位置變左做Messina，食意式雪糕(Gelato)。
Pop-up store 有供應香港限定味道 — 蛋撻、港式奶茶、香港西多士🧈。新屎坑嘅我問職員試食以上兩款香港限定味道 🤭 但係最後一個都無要 🤣🤣🤣🤣🤣 （佢應該憎死我）
搞搞震，有幫襯。最後叫左三個Scoops，承惠$95 。我最後都係揀啲大路味 — 開心果、咖啡、檸檬🍋(Sorbet)。
先講左啲試食嘅味道，再講自選杯裝嘅大路野。
蛋撻 — 💯蛋撻味，無撻Q！蛋味濃，加埋Gelato棉密嘅口感，似係未放入焗爐嘅蛋漿 🤣 應該放番入焗爐就可以做返蛋撻啦。
香港西多士 — 感覺食緊西多士上面個煉奶同牛油，幾特別！花生醬味道都幾突出，不過有啲膩，我就唔會想成杯雪糕都係西多士味，同埋樓下茶記連餐茶$40有找 😝 所以最後都係冇揀。
開心果 — 採用意大利布龍泰原產西西里開心果，平心而論我會覺得Venchi比較岩我口味。呢個雪糕嘅果仁味偏重，而開心嘅甜味就未夠突出。（小深奧 🤓 明就明，唔明就算）
咖啡 — 採用真正的意式特濃咖啡炮製，Esspresso嘅苦澀味同Gelato基本嘅忌廉同奶，再加埋佢棉密嘅口感，感覺幾和諧！最重要佢唔會過甜 😎👍🏼（推介！如果鍾意飲咖啡嘅可一試）
檸檬 — （還原現場媽媽大叫）👵🏻「嘩！呢個酸到盲都開眼👁！」以上真實食評由媽媽提供。我覺得幾Refreshing，建議樓上返工嘅會計師、律師做到瞌眼瞓，可以落樓下整返杯。檸檬Sorbet食落Gel狀，唔似雪葩嘅沙冰口感 🤔
結語：小貴，試過一次就OK，未必會翻兜。
張貼
