肉餅哥小炒料理 (已結業)

今日終於食到好出名嘅肉餅哥喇！好耐之前已經聽過呢到d肉餅好有創意，今日親身去到見到個menu，見到有好立克肉餅，咖啡煉奶肉餅等，真係幾難想像會係咩味，雖然我都好想試下，但就勇氣唔夠，所以最後都係保守d，揀咗個蝦膏蟹棒肉餅。每款肉餅都可以選擇蒸或者煎，配白飯或者菜飯。我就揀咗香口d嘅煎肉餅！等食物嘅時候望到餐廳內d廣告，寫住每塊豬肉經人手捶打二萬六千八百幾次，想像個畫面令我諗起周星馳食神電影入面剁瀨尿牛丸！即叫即煎，所以都等咗一陣，好期待究竟係咪真係咁好食！食咗一啖，的確係煎得幾脆口，唔錯。食落呢其實覺得蝦膏味可以再濃d，咸香味再多少少！蟹棒原來係蟹柳，混入肉餅到都算配合嘅。