甜品工房 (已結業)

尋日同朋友食tea(元x), 但係果度d野食唔多掂同埋唔好坐, 於是我地忽然諗起去想去好耐既甜品工房...去到冇乜人, 朋友揀左芒果拉麵, 我呢個綠茶魔梗係叫個宇治金時啦朋友個拉麵黎到, 賣相好靚, 佢本身唔太中意食太過奶味既野(個汁底係芒果椰奶)有芒果肉圍邊, 上面有d士多啤梨, d拉麵聽朋友講煙煙韌韌, 但就唔算好有芒果味, 仲有d西米同涼粉係底, 味道都ok...而我個宇治金時(即綠茶紅豆+小丸子), 我就好中意食, 丸子唔會俾刨冰凍到"硬掘掘", 紅豆練奶加埋d綠茶冰一齊食, 一流, 唯一美中不足係佢俾我個紅豆雪糕好薄好細件, 隔離枱都唔係咁既, 食到尾得番d冰, 半水半冰狀仍見佢好有綠茶味, 覺得佢唔夠甜就叫個姐姐俾d練奶我加落去, 落完正好多, 綠茶冰溶左後既濃度依然, 有種似係夢見屋/鈴本飲既綠茶感覺, 不過呢度又食又飲都係收我26大元, 當然抵好多又食得開懷d啦