影片
更多
2022-09-03
52 瀏覽
太子出名嘅餃子店其實都有唔少，甜記餃子店呢個名我就真係比較少聽。直到今日去太子花墟買植物，咁啱撞到我個朋友，咁啱佢又未食午飯😂作為太子地膽咗佢，同我講話世界好大，唔係剩係得美X餃子店，仲有呢一間。去到門口嘅時候，門口嘅裝修一係走一係簡約設計，安藤忠雄嘅水泥牆，間條木嘅玻璃趟門，你唔講我仲以為係日本餐廳。入座嘅時候大概係下午1:30左右呢啲時間，所以高峰期已過，等待時間亦都唔算太耐。餐牌餃子嘅選擇比傳統餃子多，除咗最大路嘅白菜豬肉/韭菜豬肉/西洋菜豬肉之外，佢仲有京蔥羊肉水餃，菜心豬肉，粟米芝士雞肉等等。作為大鄉里嘅我，我就order左白菜豬肉同埋西洋菜豬肉雙拼湯餃，我朋友就order左京蔥羊肉煎餃配台灣麵。大家都係選用蕃茄薯仔湯。(1) 湯餃- 首先要講嘅就係蕃茄薯仔湯真係好出色😍😍冇諗過同餃子配但係可以咁夾.- 餃子嘅餡料不過不失，味道比較淡，證明佢哋啲餃子係冇落味精嘅，配埋餃子醋食都唔錯㗎.(2) 煎餃湯麵- 台灣麵做得非常出色，口感煙韌，配蕃茄薯仔湯，真係好似去咗台灣咁😀- 京蔥羊肉煎餃，呢個餃子真係超越我想像，食得出佢哋嘅羊肉係有用孜然粉調味，喺香港都算係比較少見.希望下次有機
作為太子地膽咗佢，同我講話世界好大，唔係剩係得美X餃子店，仲有呢一間。
去到門口嘅時候，門口嘅裝修一係走一係簡約設計，安藤忠雄嘅水泥牆，間條木嘅玻璃趟門，你唔講我仲以為係日本餐廳。
入座嘅時候大概係下午1:30左右呢啲時間，所以高峰期已過，等待時間亦都唔算太耐。
餐牌餃子嘅選擇比傳統餃子多，除咗最大路嘅白菜豬肉/韭菜豬肉/西洋菜豬肉之外，佢仲有京蔥羊肉水餃，菜心豬肉，粟米芝士雞肉等等。
作為大鄉里嘅我，我就order左白菜豬肉同埋西洋菜豬肉雙拼湯餃，我朋友就order左京蔥羊肉煎餃配台灣麵。大家都係選用蕃茄薯仔湯。
(1) 湯餃
- 首先要講嘅就係蕃茄薯仔湯真係好出色😍😍冇諗過同餃子配但係可以咁夾.
- 餃子嘅餡料不過不失，味道比較淡，證明佢哋啲餃子係冇落味精嘅，配埋餃子醋食都唔錯㗎.
(2) 煎餃湯麵
- 台灣麵做得非常出色，口感煙韌，配蕃茄薯仔湯，真係好似去咗台灣咁😀
- 京蔥羊肉煎餃，呢個餃子真係超越我想像，食得出佢哋嘅羊肉係有用孜然粉調味，喺香港都算係比較少見.
希望下次有機會再幫襯過，試吓其他唔同味道嘅餃子😎
湯搞
$46
7 瀏覽
0 讚好
0 留言
煎餃配台灣麵
$48
7 瀏覽
0 讚好
0 留言
張貼
