影片
更多
2006-05-30
310 瀏覽
等佢咪誤導人嘛。7個同學, 考完試特地去刷餐好的。素聞隨行一位同學強推此店的豉油煎大蝦, 故選擇之。分別叫左2斤4豉椒花甲, 2斤4辣酒煮花螺, 2斤4豉油煎中蝦, 2隻避風塘花蟹, 3隻椒鹽瀨尿蝦, 7隻蒜蓉粉絲蒸扇貝。唔係係撞手神定點, 佢次次秤親都2斤4架喎, 明明order2斤之嘛.... 搏你唔reject。呢招呢, 有少少取巧, 不過大家高興都算數。先上我好想食的椒鹽瀨尿蝦。切開3段走油炸再加椒絲同蒜粒兜勻, 冇不好吃的道理。夠香口, 但略嫌太乾身。蒜蓉粉絲蒸扇貝跟住上。又係果句, 蒜泥加扇貝淋上豉油係皇牌組合, 扇貝也蒸得不錯, 錯就錯在佢懶得洗裙邊同舊潤, 唔夠全面。不過我諗街度冇幾個肯用心幫你洗淨來食lu。豉油煎中蝦一人suppose有2隻。豉油好似太甜, 而其他朋友覺得太鹹。總之係個豉油出事。連果2個推呢味菜的人兄都覺得換左豉油。避風塘花蟹經油泡熟再加豆豉炸蒜同鹽同炒。惹味, 但把蟹浪費了。其實一早知花蟹同避風塘唔夾, 之不過想吃, 就冇計。其實而家街上仲有冇中菜館d蟹係炒熟, 而唔係泡油熟架呢?豉椒花甲個芡杰撻撻, 唔香口唔好味。辣酒煮花螺最後才上。個湯底係酸的,
7個同學, 考完試特地去刷餐好的。素聞隨行一位同學強推此店的豉油煎大蝦, 故選擇之。
分別叫左2斤4豉椒花甲, 2斤4辣酒煮花螺, 2斤4豉油煎中蝦, 2隻避風塘花蟹, 3隻椒鹽瀨尿蝦, 7隻蒜蓉粉絲蒸扇貝。唔係係撞手神定點, 佢次次秤親都2斤4架喎, 明明order2斤之嘛.... 搏你唔reject。呢招呢, 有少少取巧, 不過大家高興都算數。
先上我好想食的椒鹽瀨尿蝦。切開3段走油炸再加椒絲同蒜粒兜勻, 冇不好吃的道理。夠香口, 但略嫌太乾身。
蒜蓉粉絲蒸扇貝跟住上。又係果句, 蒜泥加扇貝淋上豉油係皇牌組合, 扇貝也蒸得不錯, 錯就錯在佢懶得洗裙邊同舊潤, 唔夠全面。不過我諗街度冇幾個肯用心幫你洗淨來食lu。
豉油煎中蝦一人suppose有2隻。豉油好似太甜, 而其他朋友覺得太鹹。總之係個豉油出事。連果2個推呢味菜的人兄都覺得換左豉油。避風塘花蟹經油泡熟再加豆豉炸蒜同鹽同炒。惹味, 但把蟹浪費了。其實一早知花蟹同避風塘唔夾, 之不過想吃, 就冇計。其實而家街上仲有冇中菜館d蟹係炒熟, 而唔係泡油熟架呢?
豉椒花甲個芡杰撻撻, 唔香口唔好味。辣酒煮花螺最後才上。個湯底係酸的, 很不好食, 我只吃了一隻。
因為有人駕駛, 大家陪佢關係, 只飲左2支啤酒。呀姐成日sell啤酒, 飯, 菜等, 有d煩。
食左都幾多野, 埋單一千九百幾, 一d都唔平, 以呢個quality仲可以叫貴! 大家, 都係去返全記食啦!
張貼