影片
更多
2022-12-05
2008 瀏覽
📌 OPPA Coffee Bar Restaurant - 尖沙咀金巴利街1號F地鋪🗓(5/12) 星期一 ⏰ 下午7點左右 💈特式：最近成日心思思想食炸雞，所以周圍去搵好食嘅炸雞，輾轉間有朋友介紹我試下呢間，但我見佢d蛋漿熔岩飯好似幾吸引，又想試埋佢地d炸雞出品，就等我同大家試試佢啦。🥩🍔🌭🌮🥗🥯🥘🍲🍝🍣🥟🍤🍱食物：今日得兩個人，又想食蛋漿熔岩炒飯又想食炸雞，唯有兩樣都試晒，肥就由佢肥啦，又等我再同大家講下韓味道先。秘製章魚蛋漿熔岩炒飯 - 呢個炒飯好邪惡，上枱時有oppa倒入蛋漿同芝士，之後用紅紅的烈火燒溶d芝士再撈埋嚟食，但邪惡都已經唔緊要，因為真係好好食，燒緊d芝士時已經聞到好香，食落又唔漏，d章魚粒都好多，同埋d飯一齊食，有軟有硬，口感一流。蜜糖牛油無骨炸雞 - 呢個叫左半份，但份量一d都唔少，炸雞上枱夠晒熱辣辣，夠脆又唔油膩，入面仲有肉汁，蜜糖同牛油味兩者之間個平衡做得幾好，個底仲有d索晒蜜糖汁嘅薯條，好出色。☕️🍵🥤🧋🍺🍷🥃🍹🧉🍾🍶🥛飲品 - 飲品有好多韓式燒酒/米酒/啤酒，普通罐裝汽水同其他韓式罐裝飲品，我地就叫左一支Sapporo啤酒同一罐韓國柚子蜜。🍽環境：因
🗓(5/12) 星期一 ⏰ 下午7點左右
💈特式：最近成日心思思想食炸雞，所以周圍去搵好食嘅炸雞，輾轉間有朋友介紹我試下呢間，但我見佢d蛋漿熔岩飯好似幾吸引，又想試埋佢地d炸雞出品，就等我同大家試試佢啦。
🥩🍔🌭🌮🥗🥯🥘🍲🍝🍣🥟🍤🍱
食物：今日得兩個人，又想食蛋漿熔岩炒飯又想食炸雞，唯有兩樣都試晒，肥就由佢肥啦，又等我再同大家講下韓味道先。
秘製章魚蛋漿熔岩炒飯 - 呢個炒飯好邪惡，上枱時有oppa倒入蛋漿同芝士，之後用紅紅的烈火燒溶d芝士再撈埋嚟食，但邪惡都已經唔緊要，因為真係好好食，燒緊d芝士時已經聞到好香，食落又唔漏，d章魚粒都好多，同埋d飯一齊食，有軟有硬，口感一流。
蜜糖牛油無骨炸雞 - 呢個叫左半份，但份量一d都唔少，炸雞上枱夠晒熱辣辣，夠脆又唔油膩，入面仲有肉汁，蜜糖同牛油味兩者之間個平衡做得幾好，個底仲有d索晒蜜糖汁嘅薯條，好出色。
☕️🍵🥤🧋🍺🍷🥃🍹🧉🍾🍶🥛
飲品 - 飲品有好多韓式燒酒/米酒/啤酒，普通罐裝汽水同其他韓式罐裝飲品，我地就叫左一支Sapporo啤酒同一罐韓國柚子蜜。
🍽環境：因為臨近聖誕節，所以見店舖都用上左唔少聖誕裝飾，餐廳環境都好乾淨衛生，裝修就以平實簡樸為主，但整體感覺都光猛企理，簡樸裝修配上木嘅家具/餐具，感覺都幾舒服。
🤵🏻🤵🏻♀️🤵🏻♂️服務：員工服務態度好好，職員有熱情又主動，當處理個熔岩炒飯時，見到客人想影相，都會特登就客人影相角度之類，細心程度可見一班。
💰💸價錢：叫左佢兩個招牌菜同兩個飲品 ，埋單大約$500，但食到d好食高質素又特別嘅食物，仲要係尖沙咀呢d旺區，價錢都算係合理範圍之內。
🐲💬總結：我見到其他客人叫嘅食物嘅質素都看似好高，睇到個樣都覺得好吸引，我估我會再嚟試埋佢地其他食物，例如我見到好多人叫嘅紫菜包飯/魚榚湯等等。
推薦指數：❤️❤️❤️❤️❤️
秘製章魚蛋漿熔岩炒飯
$198
31 瀏覽
0 讚好
0 留言
蜜糖牛油無骨炸雞
$208
34 瀏覽
0 讚好
0 留言
張貼
