Walls Thai Food & K Pub (已結業)

中同gathering，原本是想去樓上既tea house，原本想book場，點知又打黎打去都打唔到。算啦，照樣衝上去，點知就俾人book左。剛想走既時候，tea house老闆返黎，帶我地落呢間pub，唔知兩間食肆係咪有關係既呢?不過唔理啦，落雨濕濕都唔想再周圍搵地方，橫掂未試過就試下啦。泰式炒金邊粉，濕炒，個底好多汁，不合口味，所以試少少就無再食。芒果大蝦炒飯，蝦雖然幾大隻，但完全無味，明顯是烚熟都無同D飯兜下就咁放係飯面。至於D飯都唔錯，但似平時茶餐廳食到果D。泰式炒飯，成晚最正既一道菜，所有人一致讚好。好香夠惹味，D飯粒粒分明。泰式炒菇，大大舊既菇(似係雞脾菇)，再加肉片、西芹同紅辣椒。嫌紅辣椒太好，我地成班女仔都唔係幾受得，所以食剩好多椒。不過其他都幾好味。手指春卷蝦膠，得5條，我地7個人唔夠分，於是再另加2條，每條$12。其實呢個係sell賣相多過野食，因為食落無咩味，入面只鋪左幼幼既蝦膠。侍應們服務態度不錯，間唔中主動加水，而且見我地拎住裝春捲既花樽同果d花玩黎玩去都無面黑黑。之但係個廁所細到無人有，勁辛苦。