居食屋「和民」 (宇晴匯)

營業中

休息中

難得閒日抽到時間放低孩子快閃拍拖去，轉眼間已經幫襯和民餐廳十幾年，從第一份工吃到現在，近近地選了荔枝角分店，就返先生放工同自己出發，第一次來這個分店、原來一上荔枝角站D4 出口行條扶手電梯轉左已經係，超方便，當晚用膳的時間比較早，餐廳未有太多人。坐得幾舒服。二人set 其實好抵食，不過腸胃炎剛好返也不敢去得太盡，所以決定散叫，先來一個刺身盛盒$99當前菜，赤蝦大大隻幾好肉幾有驚喜喎，新鮮！我就最喜歡它們的牛肉壽喜燒，兩個人揀 L SIZE仲有免費野菜鍋追加，好豐富......夠晒兩個人食啦！牛肉唔算太肥、對於這個價錢非常可以接受～每次都會點的清酒煮蜆，一直保持水準。先生點了一個廣島縣產！牡蠣滑蛋盒子飯，好滿意！炸牡蠣好食，有鮮味，滑蛋同飯份量多，抵食。再點返杯PREMIUM MALT'S，夠晒凍，有誠意，爽！menu 不嬲都好豐富，下次帶埋小朋友再去食，到時一定會點甜品啦。