影片
更多
2008-06-15
107 瀏覽
天虹海鮮正斗, 煮功出色, 價錢公道, 服務一流, 交通便利, 所以我同大胃決定將天虹定為我地ge飯堂!大胃牛一, 梗要嚮佢遠征歐州前同佢擦番餐. 上次入南丫島大家食過天虹都讚不絕口, 今次慶生喎, 梗要揀度有信心保證架啦, 於是就齊齊過大海來天虹.唔好以為入南丫島食飯好似好麻煩, 其實天虹有專船嚮天星同中環2個碼頭往返接送, 我一程巴士去到碼頭, 一程半個鐘ge船去到天虹, 不知幾方便.去到唔駛壽星仔操心, 我就走去揀下有乜海鮮食. 上次個侍應比我慢慢遂樣揀, 咁今次都唔例外, 好燙貼呢.今次d野全部好食, 想排名都唔容易呢!1) 蒜茸粉絲蒸大黃妃蛘 - 初初上檯, 見到無乜豉油汁, 仲驚會唔會唔夠味呢? 原來好夠味嫁, 因為d蒜茸浸過鹽水的. 而d粉絲亦非常爽口煙韌, 連埋d蒜蓉, 好食到爆. 至於主角黃妃蚌, 就真係無得頂. 大隻又飽滿不特止, 新鮮又唔在講, 而且蒸得剛好, 霹靂爽脆鮮甜. 一致通過, 全晚至正!!1) 椒鹽鮮魷 - 聞落好香, 脆漿夠薄又夠脆, 鮮魷嫩甜到唔知講乜好, 係有史以來食過最好的椒鹽鮮魷呀!!!!! 所以要同黃妃蚌雙冠軍.3) 蒜蓉蒸扇貝 - 肥大
大胃牛一, 梗要嚮佢遠征歐州前同佢擦番餐. 上次入南丫島大家食過天虹都讚不絕口, 今次慶生喎, 梗要揀度有信心保證架啦, 於是就齊齊過大海來天虹.
唔好以為入南丫島食飯好似好麻煩, 其實天虹有專船嚮天星同中環2個碼頭往返接送, 我一程巴士去到碼頭, 一程半個鐘ge船去到天虹, 不知幾方便.
去到唔駛壽星仔操心, 我就走去揀下有乜海鮮食. 上次個侍應比我慢慢遂樣揀, 咁今次都唔例外, 好燙貼呢.
今次d野全部好食, 想排名都唔容易呢!
1) 蒜茸粉絲蒸大黃妃蛘 - 初初上檯, 見到無乜豉油汁, 仲驚會唔會唔夠味呢? 原來好夠味嫁, 因為d蒜茸浸過鹽水的. 而d粉絲亦非常爽口煙韌, 連埋d蒜蓉, 好食到爆. 至於主角黃妃蚌, 就真係無得頂. 大隻又飽滿不特止, 新鮮又唔在講, 而且蒸得剛好, 霹靂爽脆鮮甜. 一致通過, 全晚至正!!
1) 椒鹽鮮魷 - 聞落好香, 脆漿夠薄又夠脆, 鮮魷嫩甜到唔知講乜好, 係有史以來食過最好的椒鹽鮮魷呀!!!!! 所以要同黃妃蚌雙冠軍.
3) 蒜蓉蒸扇貝 - 肥大, 爽口, 鮮甜, 無得彈.
4) 豉椒聖子半斤 - 同上次一樣咁好食, 豉椒唔會過鹹, 帶辣味, 超級夠鑊氣. 聖子新鮮, 爽甜, 夠味. 食過咁多度聖子, 天虹最好!
5) 豉椒蒸象拔蚌仔 - 豉椒汁arm arm 好, 唔會一大pat或太鹹. 象拔蚌仔亦肥大新鮮, 夠爽, 但比起霹靂黃妃蚌, 就爭dd咁dur dur.
6) 豉油王炒麵 - 仲發緊麵顛, 上次食肉絲炒麵, 好掂. 今次豉油王炒麵都好好, 麵身爽滑, 夠乾身, 一d都唔油, 食完碟底好乾爽. 係嫌豉油唔夠香. 不過巳經好正啦!
7) 蒜茸粉絲蒸聖子 - 聖子好大揪, 可能蒸得耐左少少, 唔夠爽脆, 但巳經收貨有餘.
8) 果皮蒸鮑魚 - 我哥隻蒸得剛脫殼, 非常鮮味, 肉質爽嫩彈牙, 果皮夠香. 大胃哥隻未熟透, 要扣分. 因為今晚高手太多, 無耐要包尾.
9) 三支國產Asahi
題外話:
咁話說我地一去到, 我見到個侍應叔叔好熟口面, 跟手佢就走埋來同我地講: 嘩小姐做乜咁耐唔來? 咁我就醒起佢原來就係我第一次去天虹Serve我果檯個叔叔. 而果陣巳經係年半之前ge事. 當晚仲要爆場, 勁多客. 我嚇到呆左, 問: 下? 隔成年半你都仲認得我? 佢笑笑口話係呀, 我認人好犀利ga, 我仲記得幫你影過相添! 呢個叔叔, 真係唔係人敢品, 天虹請人真有眼光~
仲有仲有, 嗱嗱嗱大胃唔好話我多口呀! 咁我揀緊海鮮果陣, 大胃走咄來"Gup"下, 哥個侍應叔叔就話唔駛問下你男朋友食乜呀? 咁我都末及回應, 呢個大胃就閃電地耍手兼擰頭地話:絕對唔係!! 真係慌死我影衰佢咁呀....哈哈, 我當堂笑爆嘴, 依家諗起都想笑 ^o^....
張貼
