影片
更多
2009-04-08
8 瀏覽
3月5日, 90週月快樂~ 一起7年半的紀念日~又到時間慶祝我們嘅紀念日~ 今晚我地去咗呀菲期待已久嘅baby blue食藍貝, 之前喺佢未搬時食過一次lunch, 不過冇食藍貝… 今日去新店, 發覺裝潢高檔咗好多, 連帶個menu都高級咗, 不過冇所謂啦, 我地一定要試藍貝~ 睇完d餐, 發覺個testing menu 都幾多野食, 問過部長, 佢話每樣份量唔會多, 不過2個人食其實都好夠~ 我地志在可以試多d唔同野嘅心態, 驅使我地叫咗呢個餐, 另再加個藍貝~::: 車打芝士藍貝 ::: $180先寫我地嘅主打, 亦係baby blue嘅主打, 喺眾多藍貝中我地揀咗車打芝士, 貪佢個汁夠濃~ 另外仲加配薯條, 用黎點個芝士汁~ 份量都真係幾多, 應該係3-4人份, 有差不多60隻, 不過每隻大細差別很大, 細隻食唔到d鮮味, 大隻嗰d就真係非常鮮, 食到好鮮嘅海水味~ 加埋d 車打芝士味道真係非常濃郁, 不過食到尾有d漏, 同埋d 海水味加埋凍咗嘅芝士有好重嘅腥味~ 整體黎講我地都非常滿意~!::: testing menu ::: $238總共有3個頭盤, 1個餐湯加麵包, 2個
又到時間慶祝我們嘅紀念日~ 今晚我地去咗呀菲期待已久嘅baby blue食藍貝, 之前喺佢未搬時食過一次lunch, 不過冇食藍貝… 今日去新店, 發覺裝潢高檔咗好多, 連帶個menu都高級咗, 不過冇所謂啦, 我地一定要試藍貝~ 睇完d餐, 發覺個testing menu 都幾多野食, 問過部長, 佢話每樣份量唔會多, 不過2個人食其實都好夠~ 我地志在可以試多d唔同野嘅心態, 驅使我地叫咗呢個餐, 另再加個藍貝~
::: 車打芝士藍貝 ::: $180
先寫我地嘅主打, 亦係baby blue嘅主打, 喺眾多藍貝中我地揀咗車打芝士, 貪佢個汁夠濃~ 另外仲加配薯條, 用黎點個芝士汁~ 份量都真係幾多, 應該係3-4人份, 有差不多60隻, 不過每隻大細差別很大, 細隻食唔到d鮮味, 大隻嗰d就真係非常鮮, 食到好鮮嘅海水味~ 加埋d 車打芝士味道真係非常濃郁, 不過食到尾有d漏, 同埋d 海水味加埋凍咗嘅芝士有好重嘅腥味~ 整體黎講我地都非常滿意~!
::: testing menu ::: $238
總共有3個頭盤, 1個餐湯加麵包, 2個主菜, 甜品同餐飲~ 逐樣寫低…
::: 忌廉蘑菇蟹肉酥皮盒 :::
叫做酥皮盒, 係因為用層酥皮做到一個小碗咁, 裝住一d忌廉蘑菇嘅醬汁, 混入咗一d蟹肉, 個醬汁好鮮甜. 忌廉蘑菇同蟹肉好夾, 帶出蟹肉嘅鮮味~ 酥皮剛焗好, 熱辣辣脆卜卜, 整體感覺良好~
::: 香煎帶子配魚子菜蓉 :::
呢個比較普通, 賣相都唔係好好. 帶子略嫌細咗d, 同煮得熟過頭~ 魚子想點綴一下不過冇乜特別… 下面嘅菜蓉比較多水, 可能隻帶子出水浸咗落下面, 所以食唔出應有嘅杰, 同埋冇乜味…
::: 脆炸藍貝 :::
個名幾特別, 同埋都想試下唔同整法嘅藍貝~ 真係幾特別, 細細隻有d似生蠔同青口既混合體~ 有生蠔嘅肥美加青口嘅煙韌, 配上炸粉, 非常之香脆可口~ 碟上仲好精緻咁用藍貝殼盛住d汁俾我地點黎食~ 酸酸地十分開胃~
::: 餐湯 :::
餐湯我地要咗忌廉蘑菇湯, 好重嘅蘑菇味, 忌廉杰杰嘅質地都飲得出, 不過有點平平無其, 中規中矩~ 而麵包就真係幾讚! 侍應生見我地2個人, 個set原本係1人份都俾2件麵包我地~ 仲要係好好食! 麵包好香, 加上好特別嘅蒜蓉牛油~ 真係想再食多個~!
::: 甜酒燴和牛面頰 :::
我地都一致覺得和牛面頰咬落質地似牛腩, 淋淋地d肉好有紋理~ 一撕就開, 最好嘅就係佢冇牛腩咁黐牙, 好好咬口~ 而個甜酒嘅獻汁滲入牛面頰度, 令到個牛非常鮮甜, 不過欠缺些少酒味~ 下面有甘荀, 不過好硬, 食唔到~
::: 炭燒極黑豬柳 :::
豬柳果然係炭燒出黎, 表皮燒得非常脆~ 不過稍為乾身, 就咁食會幾韌~ 一定要點喺底下嘅肉醬汁, 辣辣地好刺激味蕾, 亦好配合肉感豐富嘅豬柳~
::: 甜品, 餐飲 :::
甜品係cheese cake, 唔係好大件, 不過都夠~ 因為已經好飽~ 個人感覺芝士味唔係好濃烈, 不過質地就好creamy! 底下嘅餅底有d硬同幾乾, 可能雪得太耐… 但係呢餐都已經十分豐富, 以淡淡地嘅甜品作結都可以消除口腔嘅肉味~ 凍檸茶都係普普通通~
咁樣叫法2個人都非常足夠, 比叫2個1人餐或者1個2人餐更多選擇~ 原本仲想叫埋cabonara, 好彩冇叫到! 餐廳環境確實幾優雅, 可惜我地呢晚d人太嘈, 同埋d侍應專登安排d客坐同一區, 基本上我地係集中咗喺一個角落, 其他全部’吉’嘅, 浪費咗咁好嘅情調~ 有機會我地都會再黎食藍貝~
張貼
