影片
更多
2010-08-23
26 瀏覽
自從第一次食過之後，短時間內再黎幫襯，絕對是食過翻尋味。上一回老公寫左個食評，也得到了OpenRice請客，大家都覺得賺左，所以再來一次，不過今次換左我寫食評。老公之前寫左幾款食物既味道，今次我就比較下佢既拉麵但唔同湯底的分別吧。格局依舊，服務也依舊地好，解釋夠全面，杯綠茶比一般日式餐廳好味，加水不手軟，招呼真週到。bar檯依舊無乜人坐，但和師傅交流交流才是吃日本菜的真粹呢。今次目標係拉麵，一人一碗，叫了醬油拉麵和味噌拉麵，一碗加叉燒，一碗加半熟蛋。醬油拉麵絕對係因為食過翻尋味，今次依然無令我地失望，醬油味好香，沒加味精，湯底絕對可以一飲而盡。麵條彈牙，細心留意餐廳放在櫃桶的一張「關於我們這一碗拉麵」，麵條是用三個產地的麵粉搓成的，的確是需要無數次的測試才可以造出如此質素的拉麵。這一碗加了叉燒，叉燒$10兩塊，其實真十分抵食呢，要知道人地用料很靚，圓圓的叉燒應該係用五花腩，因為肥瘦一層層十分分明。師傅刀功也是一絕，薄薄的一片，吃下口真的入口即化，所以話$10兩塊真係好抵！無論那一種材料都有出處，也深經研究，這才是這間店值得再來的原因。其實佢咁有信心寫「關於我們這一碗拉麵」既資料出黎，真
老公之前寫左幾款食物既味道，今次我就比較下佢既拉麵但唔同湯底的分別吧。
格局依舊，服務也依舊地好，解釋夠全面，杯綠茶比一般日式餐廳好味，加水不手軟，招呼真週到。bar檯依舊無乜人坐，但和師傅交流交流才是吃日本菜的真粹呢。
今次目標係拉麵，一人一碗，叫了醬油拉麵和味噌拉麵，一碗加叉燒，一碗加半熟蛋。
醬油拉麵絕對係因為食過翻尋味，今次依然無令我地失望，醬油味好香，沒加味精，湯底絕對可以一飲而盡。麵條彈牙，細心留意餐廳放在櫃桶的一張「關於我們這一碗拉麵」，麵條是用三個產地的麵粉搓成的，的確是需要無數次的測試才可以造出如此質素的拉麵。這一碗加了叉燒，叉燒$10兩塊，其實真十分抵食呢，要知道人地用料很靚，圓圓的叉燒應該係用五花腩，因為肥瘦一層層十分分明。師傅刀功也是一絕，薄薄的一片，吃下口真的入口即化，所以話$10兩塊真係好抵！無論那一種材料都有出處，也深經研究，這才是這間店值得再來的原因。
其實佢咁有信心寫「關於我們這一碗拉麵」既資料出黎，真係好野，也令到我地呢ｄ無知食客對食物同師傅加深了解。
另一碗是味噌拉麵，麵條依舊，湯底又是另一番風味。味噌其實是發酵豆類，所以發酵得好唔好好重要。呢度既味噌湯底帶點酒味，麵鼓既濃烈，但又不會搶去拉麵風頭，我覺得比醬油湯底更好味，老公則覺得醬油較好，可說是各有千秋，也各有fans。半熟蛋好好味，既流心又有蛋香，蛋醃過，蛋白也入味，$10也不為過。
兩款拉麵加餸加一後也不過是$120，我覺得真是抵食，因為食物質素真的很高，配搭經過深思，也是無數次失敗的成果。
我地絕對會再來的，努力啊MIST!
張貼
