影片
更多
2015-07-07
898 瀏覽
話說要喺長沙灣做野。中午就搵左呢間舊式茶記～新華門口放滿飽點蛋糕。仲有一個白色婚紗女仔做型既蛋糕係櫃 前排睇報導先知紙包蛋糕先係真品。製作工序極繁複但價錢平民。絕對尊重之作(^ω^)坐低一望早餐常餐凸餐同出一徹就知唔洗上網睇都知食乜了。牛面奶茶啦仲洗乜諗。沙嗲好濃郁噃。配上良心牛肉既大舊兼無渣可吞落肚的(好多人渣牛肉又細又渣咬啖已想爆粗)餐包微暖實淨+搽滿牛油=比我秒殺左。炒蛋唔洗用牛奶炒都好香蛋味。咁。其實人情味呢？是咁的。舊茶記做街坊客。不停好多熟客入黎。侍應係問今日飲乜丫食乜丫咁。有個唔記得講飲乜個侍應都自動波落單。大叫檸茶丫嘛知啦！之後有3個年過70既伯伯嘻嘻哈哈咁衝入黎。侍應又問佢地今日飲乜。3個好似細路咁一人一句。你要奶茶我又要。佢又唔執輸咁又跟。再各自點下面包蛋糕。笑位黎啦。呢個時候侍應寫完張單一撕。好似餵魚咁由張單飄落枱面。其中2個丫伯竟然用左玩層層疊既神速去搶張單。速度之快我差d嘩出來。仲一路搶一路話今日我要比錢呀～侍應見慣晒一路走一路講慢慢搶啦喂。Feel到佢好享受"餵魚"個下動作。7老80仲有老死陪下嘆杯茶食個包實在一樂也 但你咪以為老野集中地喎。本店設有樓上雅
門口放滿飽點蛋糕。仲有一個白色婚紗女仔做型既蛋糕係櫃
前排睇報導先知紙包蛋糕先係真品。製作工序極繁複但價錢平民。絕對尊重之作(^ω^)坐低一望早餐常餐凸餐同出一徹就知唔洗上網睇都知食乜了。牛面奶茶啦仲洗乜諗。
沙嗲好濃郁噃。配上良心牛肉既大舊兼無渣可吞落肚的(好多人渣牛肉又細又渣咬啖已想爆粗)餐包微暖實淨+搽滿牛油=比我秒殺左。炒蛋唔洗用牛奶炒都好香蛋味。咁。其實人情味呢？
是咁的。舊茶記做街坊客。不停好多熟客入黎。侍應係問今日飲乜丫食乜丫咁。有個唔記得講飲乜個侍應都自動波落單。大叫檸茶丫嘛知啦！
之後有3個年過70既伯伯嘻嘻哈哈咁衝入黎。侍應又問佢地今日飲乜。3個好似細路咁一人一句。你要奶茶我又要。佢又唔執輸咁又跟。再各自點下面包蛋糕。
笑位黎啦。呢個時候侍應寫完張單一撕。好似餵魚咁由張單飄落枱面。其中2個丫伯竟然用左玩層層疊既神速去搶張單。速度之快我差d嘩出來。仲一路搶一路話今日我要比錢呀～侍應見慣晒一路走一路講慢慢搶啦喂。Feel到佢好享受"餵魚"個下動作。
7老80仲有老死陪下嘆杯茶食個包實在一樂也 但你咪以為老野集中地喎。本店設有樓上雅座。不停有後生囝囡同OL“戚桌咁轉”。睇黎下次應該坐上去。。。
坐下寫下不停有雞尾蛋撻捧出來。實在太香啦。我雖然好飽但餵食病發作。一個蛋撻丫唔該
張貼
