影片
更多
2008-09-01
1926 瀏覽
星期日晚朋友們帶左我地上呢度開生日派對，上到去就覺得呢度好GRAND、感覺好正﹗不過佢既訂位方或就古古怪怪，未到最後一日都唔會打電話CONFIRM。朋友訂左個十人套餐包欲款小食同埋兩款飯或意粉，但我地最後唔夠人，只有八個人都計左我地十個人，勁無奈﹗但佢唔到最後一日都唔出聲話有今晚因為我地既BOOKING先開野做生意，真係搞錯呀﹗算啦，反正都坐得左唯有『焗』住八個人俾十個人既錢啦。野食方面都唔錯既，我地叫左雞翼、薯條、蟹鉗、芝士焗西蘭花、招牌牛仔骨、炸帶子、龍利柳意粉、鵝肉飯。其實味道真係唔錯既﹗最抵係因為任飲呀，所以我地都叫左好多野飲，實行飲番夠本呢﹗因為我地『十人套餐』可以包左半個場，所以位就變得鬆動；呢邊食野就果邊玩遊戲。遊戲都係一般上樓CAFE既大富翁、UNO、啤牌等，無甚驚喜。總括黎講都值70分既，如果員工可以唔落錯單就會更好啦﹗
算啦，反正都坐得左唯有『焗』住八個人俾十個人既錢啦。野食方面都唔錯既，我地叫左雞翼、薯條、蟹鉗、芝士焗西蘭花、招牌牛仔骨、炸帶子、龍利柳意粉、鵝肉飯。其實味道真係唔錯既﹗最抵係因為任飲呀，所以我地都叫左好多野飲，實行飲番夠本呢﹗
因為我地『十人套餐』可以包左半個場，所以位就變得鬆動；呢邊食野就果邊玩遊戲。遊戲都係一般上樓CAFE既大富翁、UNO、啤牌等，無甚驚喜。總括黎講都值70分既，如果員工可以唔落錯單就會更好啦﹗
張貼