影片
更多
2015-03-06
657 瀏覽
早幾日去左將軍澳呢間spaghetti 360 到食飯可能因為係平日啦，夜晚食飯都唔使等好耐，十分鐘左右就入座，將軍澳區既餐廳黎架算係唔錯。由於今次係同媽媽去食，所以簡野食呢啲重任都輪唔到我去做架啦。媽媽懶懶地就簡左個閒適二人餐，睇落係幾好食既，但好似唔算多野食。。都係湯，湯律，一人一個主菜，同埋杯野飲，係連甜品都冇個既。不過算啦媽媽鐘意，就嗌黎試下啦。首先黎到既係個湯，我同媽媽都係簡左忌廉湯既。飲落去幾濃幾香，都幾足料架，但係都未算係咩特別好味既，正正常常咁啦。之後就係個野菜雜果沙律啦。成個沙律最特別既地方就係啲菠蘿，咬落又甜又多汁，飲完個湯食一啖即刻都冇咁滯呀。二人份量黎講都幾大碟下，雖然野菜雜果真係好清新，食落都好好味，但自問都幾大食既我 係飲完湯同食完沙律之後都開始有飽飽地既感覺。係主菜黎到之前呢，兩杯特飲話咁快已經黎到。我嗌左北海道十勝紅豆冰配雪糕，媽媽嗌既係鮮檸奇冰。嗌完杯紅豆冰之後我有少少後悔，唔係佢唔好飲，而係我飲下飲下就好快飽。建議唔太食既女仕們就唔好選擇佢啦，你飲完就飽架啦，但如果你當佢係一個甜品既話呢，都係一個唔錯既選擇黎既。另外杯鮮檸奇冰呢我就冇飲過啦，不過媽媽
早幾日去左將軍澳呢間spaghetti 360 到食飯
可能因為係平日啦，夜晚食飯都唔使等好耐，十分鐘左右就入座，將軍澳區既餐廳黎架算係唔錯。
由於今次係同媽媽去食，所以簡野食呢啲重任都輪唔到我去做架啦。媽媽懶懶地就簡左個閒適二人餐，睇落係幾好食既，但好似唔算多野食。。都係湯，湯律，一人一個主菜，同埋杯野飲，係連甜品都冇個既。不過算啦媽媽鐘意，就嗌黎試下啦。
首先黎到既係個湯，我同媽媽都係簡左忌廉湯既。飲落去幾濃幾香，都幾足料架，但係都未算係咩特別好味既，正正常常咁啦。
之後就係個野菜雜果沙律啦。成個沙律最特別既地方就係啲菠蘿，咬落又甜又多汁，飲完個湯食一啖即刻都冇咁滯呀。二人份量黎講都幾大碟下，雖然野菜雜果真係好清新，食落都好好味，但自問都幾大食既我 係飲完湯同食完沙律之後都開始有飽飽地既感覺。
係主菜黎到之前呢，兩杯特飲話咁快已經黎到。我嗌左北海道十勝紅豆冰配雪糕，媽媽嗌既係鮮檸奇冰。嗌完杯紅豆冰之後我有少少後悔，唔係佢唔好飲，而係我飲下飲下就好快飽。
建議唔太食既女仕們就唔好選擇佢啦，你飲完就飽架啦，但如果你當佢係一個甜品既話呢，都係一個唔錯既選擇黎既。
另外杯鮮檸奇冰呢我就冇飲過啦，不過媽媽話唔會太甜唔會好酸，都幾解滯幾好飲，怕滯可以選擇佢!
係我飲到飽飽滯滯既時候，個主菜終於黎啦，呢個係日式芝麻醬雞肉意粉，佢話1.7mm啦但我都唔係好食得出有咩分別。
重點係，呢個意粉真係好香好濃，少少甜甜地既味，睇落好簡單，但係味道十分之香，可能都係因為佢夠足料啦。
唯一既缺點就係，又係滯既。
所以我同媽媽食哂碟意粉之後已經十分之飽。
不過，其實個餐仲有一個主菜係未黎架，呢個係芝士焗牛油果海蝦蟹棒300度熱石鍋墨魚汁飯，個名好長，落單嗰時都幾似玩緊急口令，所以我係直接指住個餐牌黎落單既。
好啦講番個飯，真係睇個樣都覺得佢好滯，又芝士又墨魚汁咁，加上我同媽媽食完個意粉已經好飽既原故，我地係決定將佢打包番屋企俾未食飯既哥哥既。
後來我哥哥都向我表示，翻熱既墨魚汁飯都係好食既。我唔知係真係好食定因為佢肚餓啦，但我相信堂食應該會唔錯，除左好滯之外。
總括黎講呢，呢個二人餐係好飽好抵食既，唔太大食既朋友可以三個人食都夠飽，再唔係加多個小食加多杯野飲都得。
到埋單既時候我媽媽就發現左原來係可以入會既，佢見間野幾好食又近近地就打算入會拎下啲優惠啦，我地問店員點樣入會既時候，店員都好有禮貌同心機咁解釋啲優惠俾我地聽，原來呢間野係同spaghetti house同一個集團既，即係張卡去到spaghetti house食野都有折。$450入個會又送啲$100卷呀小食卷咁，仲要食飯都有8折9折，視乎係咪五六日或者假期啦，我地見幾抵喎，咁就俾左$450佢啦。
入完會之後店員仲好細心咁提我地，邊張優惠卷係即時可以用既，200幾蚊個餐再加一，我地用左張$100卷，仲有個8折，都真係幾抵食架。
講左咁耐，呢間鋪除左野食好滯之外我都幾鐘意既，想試啲特色野既朋友不妨一試。
附上店內環境 啲位都幾舒服，設計唔錯。
張貼
