影片
更多
2017-02-28
4073 瀏覽
平時身於九龍既我甚少同男朋友去中上環地方食飯, 今日係少有的拍拖紀念日, 男朋友早就book左呢間名稱好好特色既高檔中菜館. 『禮賓府』呢個名真係令人覺得又奢望又特別, 平凡既香港人又點可能踏入禮賓府食晚飯呢? 🤔今晚可以去到呢間同政府官邸一樣名既 - 禮賓府一嘗晚餐, 真係個特別又難忘既日子! 😆😆😆位於安蘭街18號, 畢打街既橫街小巷, 其實都算幾易搵!個人感覺呢度既裝修格調好有西式設計, 😍偏黃既燈光配上一盞大大既水晶燈, 而牆上掛左幾盞帶住西洋帽子既燈做裝飾, 時尚得黎不失氣派!!! 👏🏻👏🏻👏🏻雖然感覺西式, 不過實際食食中菜為主, 盡展中西合壁既風格~~ 好有特色♥️餐牌既食材都用上高級材料, 如果想每款都可以品嚐既叫set就最化算了$ 680 per personDinner Set都好款野食, 6款(主食)+燉湯+炒飯 & 甜品, 而且每款都用左上等既食材製作而成, 睇落價錢看似好高昂, 但品嚐過後先知道絕對值得!!! 👍🏻先上枱既係迷你鮑魚多士, 鮑魚以多多士佐底, 小妹真係第一次🙈🙈🙈🙈鮑魚唔係罐頭鮑魚而係新鮮鮑魚😀廚師先用自家手法製作鮑魚, 再放係青瓜&多士上. 鮑
『禮賓府』呢個名真係令人覺得又奢望又特別, 平凡既香港人又點可能踏入禮賓府食晚飯呢? 🤔
今晚可以去到呢間同政府官邸一樣名既 - 禮賓府一嘗晚餐, 真係個特別又難忘既日子! 😆😆😆
位於安蘭街18號, 畢打街既橫街小巷, 其實都算幾易搵!個人感覺呢度既裝修格調好有西式設計, 😍偏黃既燈光配上一盞大大既水晶燈, 而牆上掛左幾盞帶住西洋帽子既燈做裝飾, 時尚得黎不失氣派!!! 👏🏻👏🏻👏🏻
雖然感覺西式, 不過實際食食中菜為主, 盡展中西合壁既風格~~ 好有特色♥️
餐牌既食材都用上高級材料, 如果想每款都可以品嚐既叫set就最化算了$ 680 per person
Dinner Set都好款野食, 6款(主食)+燉湯+炒飯 & 甜品, 而且每款都用左上等既食材製作而成, 睇落價錢看似好高昂, 但品嚐過後先知道絕對值得!!! 👍🏻
先上枱既係迷你鮑魚多士, 鮑魚以多多士佐底, 小妹真係第一次🙈🙈🙈🙈鮑魚唔係罐頭鮑魚而係新鮮鮑魚😀
廚師先用自家手法製作鮑魚, 再放係青瓜&多士上. 鮑魚味道唔會十分搶味, 因為係鮮鮑魚關係好有咀嚼感, 呢種口感相信只有新鮑魚先可以做到!!! 😍😍😍👍🏻
而下面既多士炸得好透徹, 食落相當鬆化, 而中間夾雜住青瓜中和油炸既油膩口感, 夾埋一齊食真係好有層次, 真係令人好吊胃~~😋
燕窩全部都係燕窩.....燕窩釀雞翼, 雞翼釀入左滿滿既燕窩😳 切出黎內裡全部都係燕窩, 真係冇花冇假嫁!!! 😃😃😃♥️
薄薄既雞皮下包住燕窩, 食落真係令人覺得好滿足! 雞翼既味道都唔會好濃味, 因此唔係搶奪左燕窩既味道. 好好味道!! 可惜只係得1件有d唔係咁夠喉😖
大大既碗裝住既羊肚菌螺頭燉湯, 除左有豬肉&羊肚菌之外仲有螺頭, 入面真係好足料! ☺️👍🏻👍🏻👍🏻燉湯唔似一般既滾湯味道, 燉湯以隔水燉煮, 可以保留原有既營養, 而且飲落清而不淡, 有種令人一飲再飲既感覺😋😋😋
飲完燉湯之後就上左呢個以鮮蟹一齊製成既大良炒鮮奶, 炒鮮奶以半熟形態呈現眼前~ 食落相當之滑溜! ♥️👍🏻而且內裡加入好多既鮮蟹肉, 食既時候真係可以夾到好大塊既發蟹肉, 令炒鮮奶多左一份鮮味~ 👏🏻👏🏻👏🏻
如果想多層口感可以另加上蟹醋一同進食, 不過個人覺得加左留而會取奪左兩耆原有既味道, 都係就咁食個味道更加令人難忘~~~~~😃
小妹真係好少出去食到好食既紅燒炆花膠, 不過呢度個炆花膠真係令我一試難忘!!! ☺️☺️☺️花膠食落都幾有厚度, 當然唔可以以千年花膠作比較, 但呢個口感而言真係唔錯! 😋👍🏻花膠味濃, 食完個咀仲會漿到痴住~~真心覺得呢個花膠堅好食♥️
以安格斯既牛腩黎作南瓜燴安格斯牛腩, 真係有d似中西合壁既感覺, 呢個菜式好似已經煮左一定時間, 牛腩炆得好有火喉, 味道濃郁而且好軟熟, 如果可以配上個白飯一齊食既話應該可以撈幾碗飯!🤣
青翠既芥菜贍同佢個外貌有唔成正比~佢個樣子睇落好似好硬但實質口感係帶林身! 軟身食外層不失芥菜贍既口感, 以高湯浸泡真係令芥菜贍提升左唔少層次! 👍🏻👍🏻😍
禮賓傳炒飯以松露油炒起, 所以成個飯都充滿著絲絲既松露香味除此之外呢個足料既炒飯仲有龍蝦, 鮑魚 & 金華火腿在內, 一個簡簡單單既炒飯都瞬間變成名貴炒飯! 😍♥️
龍蝦肉 & 鮑魚令粉飯多左一重鮮味 & 口感, 而飯粒炒得唔會太乾身, 恰到好處, 如果可以既話比我食多2-3碗都完全唔成問題~真係好好味呢😋😋😋👏🏻
食完個炒飯都差不多接近尾聲, 以鮮百合合桃露作為Ending… 合桃露濃杰適中而且甜度都唔會太過火~ 合桃味亦都唔算過濃, 不過黎到呢個位其實已經食得有點飽, 但同男朋友一邊傾偈一邊食著不知不覺都食到底了!! 😂
呢度既風格都係走高檔路線, 而且食材都有返咁上下嫁!!! 真心好味道~~~
雖然對小妹而言價錢都比一般既高, 但如果紀念日黎呢度食個晚飯開心下都係一個唔錯既選擇! 一定會介紹比朋友♥️♥️♥️
張貼
