穴蔵

營業中

休息中

每次嚟又一城都會揀呢間食日本嘢，雖然價錢有少少偏貴，叫性價比唔高，但都叫有質素，每一次嚟食物嘅水準都係一樣，好穩定。每次嚟呢度都會叫炸鱈魚片同埋吞拿魚魚脆餅。呢兩個小食真係好好味，百吃不厭。另外，都會叫一兩串串燒，今次叫咗豬腩肉同牛（有䓤粒嗰款),同埋炸軟殼蟹牛油果卷物和燒蟹蓋脆餅。今次第一次叫天婦羅吞拿魚卷，呢個真係好好味，外面有熱辣辣脆卜卜嘅紫菜，軟綿綿嘅吞拿魚卷物，一啖有兩個口感，我鍾意食呀，呢味餸會列入必食清單。另外，想提一提如果平日夜晚去而冇book枱，好大機會會坐吧枱。