影片
更多
2019-03-23
204 瀏覽
本來永年係我嘅長期車仔麵冠軍，估唔到而家麵之神同佢各有千秋，難分高下。總嘅嚟講， 呢度啲車仔麵超正，價錢竟然良心價（抵過永年），絕對推薦。個湯底新鮮好味到 O 晒嘴，基本上係打破香港「車仔麵啲湯肯定好一般」嘅慣例。我第一次加埋腩汁，隱隱覺得好似糟蹋咗個靚湯底，所以第二次開始就乜都唔加，跟住成個湯底係飲哂㗎。（呢方面永年個湯底就比唔上喇）我特別鍾意佢個即炸魚片頭 －－－係分開上，無俾啲湯整濕㗎 同樣分開上嘅炒滑蛋，話係用健康啲嘅有機蛋炒。但係我唔理喇，總之就非常香滑好味啦辣度可以自己剔微、小、中、大。我就連微辣都嫌多，同佢講後，佢可以另上，正 （我一樣嫌永年嘅微辣都多，但礙於永年落單嘅流水作業，我從來都無／唔敢特別要求另上辣）冬菇隻數多，中等 size 方便一舊一/兩啖，肉厚、味靚無呃人，係至愛。關東煮蘿蔔做得非常好，冇根，入味同永年各有千秋，係我嘅必選。墨汁丸夠香。平時車仔麵我愛叫粗麵。呢度嘅粗麵一般地冇乜特別，反而我發現佢嘅米線 texture 唔錯，可以留意吓。至於魚蛋，其實都好味，不過個人覺得就比唔上永年喇。永年 size 細粒少少，啱啱好入一口；永年用湯底／腩汁餚個魚蛋，好過呢
總嘅嚟講， 呢度啲車仔麵超正，價錢竟然良心價（抵過永年），絕對推薦。
個湯底新鮮好味到 O 晒嘴，基本上係打破香港「車仔麵啲湯肯定好一般」嘅慣例。我第一次加埋腩汁，隱隱覺得好似糟蹋咗個靚湯底，所以第二次開始就乜都唔加，跟住成個湯底係飲哂㗎。（呢方面永年個湯底就比唔上喇）
我特別鍾意佢個即炸魚片頭 －－－係分開上，無俾啲湯整濕㗎
同樣分開上嘅炒滑蛋，話係用健康啲嘅有機蛋炒。但係我唔理喇，總之就非常香滑好味啦
辣度可以自己剔微、小、中、大。我就連微辣都嫌多，同佢講後，佢可以另上，正 （我一樣嫌永年嘅微辣都多，但礙於永年落單嘅流水作業，我從來都無／唔敢特別要求另上辣）
冬菇隻數多，中等 size 方便一舊一/兩啖，肉厚、味靚無呃人，係至愛。
關東煮蘿蔔做得非常好，冇根，入味同永年各有千秋，係我嘅必選。
墨汁丸夠香。
平時車仔麵我愛叫粗麵。呢度嘅粗麵一般地冇乜特別，反而我發現佢嘅米線 texture 唔錯，可以留意吓。
至於魚蛋，其實都好味，不過個人覺得就比唔上永年喇。永年 size 細粒少少，啱啱好入一口；永年用湯底／腩汁餚個魚蛋，好過呢處嘅咖喱味道就只係一般 good ；彈牙方面（水楊酸），呢處就冇永年咁好 o趙 頭喇。不過重申：魚蛋其實唔錯，只不過係我吹毛求疵啫。
豬皮較為遜色。size 唔夠一口咁細，入味唔夠。我會選擇避開唔揀。（永年個豬皮就真係入味超正啦）
我通常嗌佢個自家五花茶。堂食嘅話，價錢會由 $9 平到 $5, 真係良心價
張貼