辛味屋

營業中

休息中

嚟到荃灣西依邊，我同同伴選擇咗食日式咖喱飯。依間辛味屋食物選擇都唔少，除咗日式咖喱飯，仲可以選擇拉麵，晚市仲有壽喜燒鍋揀添。我揀咗食吉列豬扒奄列咖喱飯，咖喱喺明治時代傳入日本，喺08年一個喺日本訪問近一萬人嘅調查入面，多數受訪者每個月都會食幾餐咖喱飯。日式咖哩甜多個辣，啱晒唔食得辣嘅朋友仔。我個人最鍾意嘅組合就係吉列豬扒丶奄列配咖喱飯。依度嘅吉列豬扒炸得唔錯，蛋亦都夠滑，個薯仔沙律side dish都唔錯。再點多個燒多春魚做小食，雖然賣相普通，但係煎得幾香脆，魚春嘅size亦都正常。整體嚟講，依度價錢尚算實惠，嘢食水準都唔錯，而且服務員亦都幾有禮貌，值得再次幫襯。