影片
更多
2010-07-05
321 瀏覽
流浮山, 聽得多講得更多, 但一次都未踏足過, 是日天文台差不多全日發出酷熱天氣警告, 但老婆家仍然舉家一齊入去食海鮮, 無他, 因為外父大人一句金口, 父親節飯局 (補祝) 是也上一回佢地原來已經食過一次, 可惜當時正值蜜月, 同老婆一齊錯過左, 今次又是食過翻尋味之果, 能得到大家回味無窮, 所以我一開始已經好期待訂左位七點, 我地六點幾已經到左, 正好臨近日落, 食飯前先沿路一直行小巷, 沿路好多海味乾貨, 更有好多大到你唔信既遊水生猛海鮮, 包你大開眼界, 五至十分鐘已經行到盡頭, 對岸正是深圳, 日落更有另一番感覺, 可恨當日唔知行程原來係咁, 唔係一定帶齊單反裝備, 做個十分鐘龍友親戚中, 原來有一位係熟客, 早早已經打左黎留餸, 正宗坐底已經有飯開, 而且我地早到+早訂位, 好多靚野都留左俾我地, 今餐真是食得高興頭盤先黎三隻凍蟹, 蟹鉗足有成隻雞脾咁大, 拎上手就好似齒緊一隻雞脾咁, 啖啖肉唔在講, 蟹既鮮味更加係無得彈, 就連那凍蟹汁都異常鮮甜, 凍蟹不同熱蟹, 凍蟹旨在吃蟹既鮮味, 但凍蟹如果不夠斤兩或不新鮮, 吃凍蟹是受罪, 這裡的凍蟹做得好, 我喜歡再點少少醋,
上一回佢地原來已經食過一次, 可惜當時正值蜜月, 同老婆一齊錯過左, 今次又是食過翻尋味之果, 能得到大家回味無窮, 所以我一開始已經好期待
訂左位七點, 我地六點幾已經到左, 正好臨近日落, 食飯前先沿路一直行小巷, 沿路好多海味乾貨, 更有好多大到你唔信既遊水生猛海鮮, 包你大開眼界, 五至十分鐘已經行到盡頭, 對岸正是深圳, 日落更有另一番感覺, 可恨當日唔知行程原來係咁, 唔係一定帶齊單反裝備, 做個十分鐘龍友
親戚中, 原來有一位係熟客, 早早已經打左黎留餸, 正宗坐底已經有飯開, 而且我地早到+早訂位, 好多靚野都留左俾我地, 今餐真是食得高興
頭盤先黎三隻凍蟹, 蟹鉗足有成隻雞脾咁大, 拎上手就好似齒緊一隻雞脾咁, 啖啖肉唔在講, 蟹既鮮味更加係無得彈, 就連那凍蟹汁都異常鮮甜, 凍蟹不同熱蟹, 凍蟹旨在吃蟹既鮮味, 但凍蟹如果不夠斤兩或不新鮮, 吃凍蟹是受罪, 這裡的凍蟹做得好, 我喜歡再點少少醋, 這樣蟹味更能提高至另一感覺
之後來一個靚湯, 響螺雞腳燉湯材料有響螺、瘦肉、圓肉、雞腳、黨參等, 來時原燉盅上, 湯渣分開來, 老實講, 我真的沒想到海鮮飯店的燉湯會如此好味, 完全無味精, 藥材味濃, 湯鮮甜, 瘦肉吊出雞腳鮮味, 雞腳更是超多, 食極食唔完, 唔係因為留肚食之後既餸, 我相信雞腳很快會被ko掉, 喜歡藥材湯必試, 但可能要預早訂, 畢竟如此一個藥材湯要有足夠時間燉先煲得出精髓來
成人前臂咁大既瀨尿蝦見過未? 之前路過小巷見到那大如手臂既瀨尿蝦已經嚇一跳, 沒想到今晚那碟椒鹽瀨尿蝦放在我地面前會如此震撼, 平時食瀨尿蝦, 相信好多人都覺得剝殼剝得咁辛苦, 但肉就少少, 遇著死蝦, 更加係肉隨殼走, 剝埋都無肉食, 咁大隻瀨尿蝦就完全無呢個問題, 一定新鮮, 而且隻瀨尿蝦大到要一開三, 必有肉食, 椒鹽炒得超香, 我食晒三節, 中同尾最好食, 中間唔駛講, 啖啖肉又彈牙, 尾原來也不錯, 殼很易起, 最後那一節因為沒椒鹽炒過所以很滑, 真是食到食指大動, 連手指都"選"埋
『邊食邊熟』, 是魚上檯時侍應同我地講既一句話, 咁大條清蒸海青班, 蒸魚既時間可以睇出師傅既功力, 『邊食邊熟』既意思係, 魚並不是全熟透, 一路從邊開始食, 食到咁上下熱力剛好令到中間就熟了, 咁就唔會食到最後魚肉已老, 的確魚是蒸得剛剛好, 魚肉魚皮都很滑, 海青班我不識得分別, 但這條班真是很美味
涼瓜青椒炒聖子是比較失望的一味, 聖子炒起已經離殼, 奇怪是殼原來留番鋪左係底, 我相信此舉應該無乜用處, 聖子炒得過老, 已失去聖子鮮味, 如果在普通酒樓絕對收貨, 可惜是流浮山, 我相信吃出食材鮮味才是最好做法, 還好酷熱天氣吃涼瓜正好, 青椒也很甜, 結果又是配菜大過主人婆
蒜蓉粉絲蒸扇貝也只是合格, 扇貝起內臟再蒸, 但奇怪是帶子要開邊蒸, 少了那吃帶子的厚厚口感, 蒜蓉粉絲味道剛好, 帶子鮮味貴收在粉絲, 可惜合格有餘驚喜欠奉
除卻瀨尿蝦, 大蝦也很大隻, 豉油皇炒大蝦用美極炒的確更香, 大蝦在肚位底開邊炒, 豉油味能滲入蝦肉裡, 蝦殼很易剝, 這味也很出色, 但多吃無益, 始終美極味道太濃, 之後餸菜吃不到味道更是得不嘗失
是時候食番d菜, 清炒菜心完全無渣, 令人不禁驚嘆, 可能有人會覺得佢淥得過腍, 的確, 淥得過耐甚至可能連菜既營養價值都失去, 但無可否認呢碟菜真係好好味, 如能配少少流浮山製蠔油相信會更好味也更有風味
薑蔥蒸鮑魚又是另一驚喜, 飽魚足有大半隻手掌心咁大, 如此靚食材, 只需簡簡單單薑蔥蒸已經好好食, 飽魚蒸時間岩岩好, 起殼起內臟後, 再加少少豉油, 一咬, 飽魚鮮味出晒黎, 再加上一d都唔韌, 果真令人回味無窮
最後來的是楊州炒飯, 炒飯炒得乾身, 粒粒分明, 炒飯只有蛋跟叉燒, 始終是流浮山嘛, 如果可以加d蝦會更不錯
臨走不忘睇睇人地檯食乜, 即時非常慶幸早訂位+早黎到, 因為我地既凍蟹同飽魚比人地大好多, 相信同親戚跟餐廳相熟不無關係, 當然價錢會反映番事實, 但如果唔訂, 可能是有錢都食唔到, 其實最後每人不用$330, 我已經覺得非常超值了, 比起之前去鯉魚門食更抵食更好味
流浮山, 無論是港人或遊客, 都應該黎一次
張貼
