影片
更多
2011-02-24
11 瀏覽
我之前已經想寫呢間野食評...點知個時OP仲未登記有呢間野...今日發現終於開左...忍唔住...即刻要入黎鬧...係鬧!!!我同老公俾左兩次機會呢度...第一次,岩岩新開張,仲請我地食拜神燒肉添,感覺都唔差.叫左兩碗好普通的酸辣米線,等左好耐,仲要入漏凍飲添!碗米線酸辣的比例係2:8,辣得黎仲要唔好味,我慢慢食先食得到,老公就辣到食唔到...事先聲明,我地平時好好好鐘意食酸辣米線,呢度的湯底真係完全唔掂!不過,話晒佢新開張,樓面廚房都未熟手,但請我食燒肉,我地都忍,都會再黎.一個星期後,我地俾左第二次機會佢,夜晚再黎幫襯,我又係食酸辣米線,老公叫薯粉,另加一碟凍皮蛋.落單,其實我地叫的野好簡單,佢居然又落錯,已經好嬲...米線每加一個餸四蚊,四蚊OK,好多舖頭都要呢個價...但我四蚊要一份火腿,一份火腿竟然加埋少過半塊金妹牌火腿,簡直貴到離晒大譜!!!至於湯底,同上次一樣酸辣的比例2:8,超辣但又唔好味!!!上次黎米線過硬(好似未熟咁),今次就過淋...究竟係咪食米線GA呢度!!!老公碗薯粉仲慘,佢以前食過,知道乜叫薯粉,但一食落口,超超超級難食!!!薯粉質地過淋,除左辣味丁點其他味
我同老公俾左兩次機會呢度...第一次,岩岩新開張,仲請我地食拜神燒肉添,感覺都唔差.叫左兩碗好普通的酸辣米線,等左好耐,仲要入漏凍飲添!碗米線酸辣的比例係2:8,辣得黎仲要唔好味,我慢慢食先食得到,老公就辣到食唔到...事先聲明,我地平時好好好鐘意食酸辣米線,呢度的湯底真係完全唔掂!不過,話晒佢新開張,樓面廚房都未熟手,但請我食燒肉,我地都忍,都會再黎.
一個星期後,我地俾左第二次機會佢,夜晚再黎幫襯,我又係食酸辣米線,老公叫薯粉,另加一碟凍皮蛋.落單,其實我地叫的野好簡單,佢居然又落錯,已經好嬲...米線每加一個餸四蚊,四蚊OK,好多舖頭都要呢個價...但我四蚊要一份火腿,一份火腿竟然加埋少過半塊金妹牌火腿,簡直貴到離晒大譜!!!至於湯底,同上次一樣酸辣的比例2:8,超辣但又唔好味!!!上次黎米線過硬(好似未熟咁),今次就過淋...究竟係咪食米線GA呢度!!!老公碗薯粉仲慘,佢以前食過,知道乜叫薯粉,但一食落口,超超超級難食!!!薯粉質地過淋,除左辣味丁點其他味道都冇,連最基末少少少少咸味都冇,點入口呀!!!樓下有朋友期待食呢度的薯粉,我好為佢擔心囉!!!仲未鬧完,碟皮蛋,又係得個辣字,仲要係超級大辣!!!我咁肯定我睇MENU上面個小食名稱完全冇提過辣字囉,就算少辣我都算喇,如果辣到咁的程度,係咪都要同食客講聲呀!!!
就係呢兩次經驗,我同老公都話以後唔俾機會呢度!有次我地經過門口,有職員同我地講好好食入黎食丫,我地就直接同呢位職員講,你地呢野真係好難食!
我可唔可以俾負分呀...
張貼