半熟工房 (港鐵大埔墟站) (已結業)

前幾日母親節，小弟就為左孝順女朋友嘅母親，去左大埔呢間開業左幾個月嘅半熟工房，其實早係一年前已經幫襯開半熟工房，覺得又平又好味，送禮又見得下人🥳但果時新界東北都無分店，要出到旺角、元朗等先搵到😖因為送比未來外母，所以都買多左少少份量😏布雪大大個先$15一個，有5隻味，但因為媽媽偏愛芝士同士多啤梨就無買其他味，抹茶就自己食🤪上下兩層蛋糕非常軟滑同鬆，唔會好膩，中間吉士都唔少，抹茶就味道偏濃，唔係甜果隻，所以我超愛😋點少得半熟芝士蛋糕！$150@10件雖然係好細粒，但每一啖都充滿極香極邪惡嘅芝士，芝士仲好smooth😋 份量細都有好處，一次食少少唔會食完覺得膩💕女朋友都勁鐘意😏