影片
更多
2018-11-17
109 瀏覽
咁大家好啦咁我係德仔老豆。呀叔我曾經同一位女生去過土耳其，坐過熱氣球，行過大巴扎，去過純真博物館。早幾日發夢夢見佢，起床鼻子一酸，心諗我可能冇咩機會再同佢去土耳其，但去食餐土耳其菜都聊勝於無。兩個人，唔洗諗就叫左set dinner啦。前菜係沙律，菜加上少少帶土其耳風味的醬。擺盤都幾令人眼前一亮，隻碟放係木頭上（我特登索過係有木香的），咁靚梗係影返張相先啦。餐廳仲送埋扁豆湯（個menu冇架），湯的豆香味濃，又食到啖啖豆蓉，真材實料的。呢個特色小食我都覺得唔錯，係以烤茄子為主調，配上薯條、薄餅、雜菜。茄子烤得入味，加上茄汁同沙律汁等等食落都好開胃。到食呢個main course，我食到想哭了，有種返到土耳其的感覺。我望住呢隻放sauce的碗仔，想起當年係大巴扎比人劏到一頸血的故事......咁有人想知我再講啦。其實呢個碗仔都係10里拉就有5隻，都幾平，加上近來美國屈土耳其機搞到里拉大跌，相信依家5里拉會買到10隻。大家可以睇下隻碗上面有好多邪眼，佢地學名係evil eye，係防止妒忌力量的圖案。雖然我唔知點知土耳其人防得咁偏門淨係防妒忌，但ok啦都係保你平安的。ok真係講返個主菜，其實最
呀叔我曾經同一位女生去過土耳其，坐過熱氣球，行過大巴扎，去過純真博物館。
早幾日發夢夢見佢，起床鼻子一酸，心諗我可能冇咩機會再同佢去土耳其，但去食餐土耳其菜都聊勝於無。
兩個人，唔洗諗就叫左set dinner啦。
前菜係沙律，菜加上少少帶土其耳風味的醬。擺盤都幾令人眼前一亮，隻碟放係木頭上（我特登索過係有木香的），咁靚梗係影返張相先啦。
餐廳仲送埋扁豆湯（個menu冇架），湯的豆香味濃，又食到啖啖豆蓉，真材實料的。
呢個特色小食我都覺得唔錯，係以烤茄子為主調，配上薯條、薄餅、雜菜。茄子烤得入味，加上茄汁同沙律汁等等食落都好開胃。
到食呢個main course，我食到想哭了，有種返到土耳其的感覺。我望住呢隻放sauce的碗仔，想起當年係大巴扎比人劏到一頸血的故事......咁有人想知我再講啦。
其實呢個碗仔都係10里拉就有5隻，都幾平，加上近來美國屈土耳其機搞到里拉大跌，相信依家5里拉會買到10隻。
大家可以睇下隻碗上面有好多邪眼，佢地學名係evil eye，係防止妒忌力量的圖案。
雖然我唔知點知土耳其人防得咁偏門淨係防妒忌，但ok啦都係保你平安的。
ok真係講返個主菜，其實最主要係雞肉好嫰滑有肉汁，你唔好以為呢d野係必然呀！
土耳其係伊斯蘭教國家，處理肉類的時候係要念經同放血，所以我當年係土耳其食個d肉係好乾的。
呢個juicy加上有特別醬汁的main course我就食得好滿足啦！
最後上返杯咖啡，可能你會問我點解唔叫turkish tea或者coffee，我覺得飲埋就會回憶更多野，例如係水煙館同佢飲住野chill到天光...所以點到即止就算了。
最後chef仲送埋龍鬚糖，個樣咁詭異可能因為萬聖節咁啱過左！整體我都覺得唔錯，下次有機會會試返d更土耳其的菜！
張貼
