影片
更多
2024-09-16
2656 瀏覽
係IG見至伊勢熊壽喜燒見左好多試，終於有機會食到。呢度提供咗幾個套餐，當日選嘅係壽喜燒套餐宴，$980⼀一位，如果唔想咁貴，都有其他選擇，但如果橫掂都過嚟，我覺得值得試貴啲嗰個餐。咁啱選擇呢個餐廳嘅原因，係因為餐廳在做「糸島美食祭」，當晚食完呢餐飯，就算第一次認識呢個地方，就已經好想下次旅行去呢個地方。糸島位於福岡，隔離市中心一個附近的沿海城市，本身有好多豐富嘅海產同新鮮野菜，比起之前喺其他餐廳試過唔同地方嘅美食祭食到嘅都更加出色。原來餐廳嘅主理人久家弘一師傅就係來自糸島市，非常多謝佢嘅出現另我認識呢個咁特別嘅地方。前菜三品順住食，海膽配枝豆布甸加秋葵，北海道粟米天婦羅配岩鹽，還有伊左目刺身配紫蘇花。個人覺得天婦羅同刺身特別出色。汁物係真鯛湯麵線配茄子，鯛魚湯非常清澈，加左山椒同青檸，口感更特別，來自糸島嘅茄子食落去個質地同平時我哋食嘅茄子都好唔同。當日嘅一品料理係和牛壽司配汁煮蠔，呢個配搭真係未見過，而且舊和牛真係好出色，好食到我即刻問店員可唔可以單點，不過聽佢哋講呢個一品料理都會除季節而換。蒸物係真鯛茶碗蒸，配上新鮮糸島香菜大根，加上好滑嘅蛋同埋超大嚿嘅真鯛，非常精彩。重點係壽喜燒
係IG見至伊勢熊壽喜燒見左好多試，終於有機會食到。
呢度提供咗幾個套餐，當日選嘅係壽喜燒套餐宴，$980⼀一位，如果唔想咁貴，都有其他選擇，但如果橫掂都過嚟，我覺得值得試貴啲嗰個餐。
咁啱選擇呢個餐廳嘅原因，係因為餐廳在做「糸島美食祭」，當晚食完呢餐飯，就算第一次認識呢個地方，就已經好想下次旅行去呢個地方。
糸島位於福岡，隔離市中心一個附近的沿海城市，本身有好多豐富嘅海產同新鮮野菜，比起之前喺其他餐廳試過唔同地方嘅美食祭食到嘅都更加出色。
原來餐廳嘅主理人久家弘一師傅就係來自糸島市，非常多謝佢嘅出現另我認識呢個咁特別嘅地方。
前菜三品順住食，海膽配枝豆布甸加秋葵，北海道粟米天婦羅配岩鹽，還有伊左目刺身配紫蘇花。個人覺得天婦羅同刺身特別出色。
汁物係真鯛湯麵線配茄子，鯛魚湯非常清澈，加左山椒同青檸，口感更特別，來自糸島嘅茄子食落去個質地同平時我哋食嘅茄子都好唔同。
當日嘅一品料理係和牛壽司配汁煮蠔，呢個配搭真係未見過，而且舊和牛真係好出色，好食到我即刻問店員可唔可以單點，不過聽佢哋講呢個一品料理都會除季節而換。
蒸物係真鯛茶碗蒸，配上新鮮糸島香菜大根，加上好滑嘅蛋同埋超大嚿嘅真鯛，非常精彩。重點係壽喜燒，京都姬牛、滋賀近江牛壽喜燒，各有自己精彩之處，第二個加上日本蕃茄、山形冬菇、糸島秋葵同洋蔥，最重要上第二個和牛之前嘅靜岡蕃茄，係我人生食過最好食嘅蕃茄之一。
食和牛可以配黑松露、柚子、辣椒、新鮮芥末，同師傅自己醃製嘅昆布，加上蛋白打成嘅蛋泡，同和牛一齊食，多咗一層綿滑嘅口感。當然，呢堆嘢送飯都好正，我仲以為點解咁少飯之際，原來後面仲有昆布蛋蓋飯。呢間餐廳除左做牛叻之外，蛋類都處理得好好。呢個飯都非常之出色，好少喺出邊食到，幾種蛋加埋一齊，好特別。
怪唔得夜晚六點幾都全場爆場，呢間壽喜燒值得推薦。
因為一間餐廳而想去一個地方再去旅行，應該係第一次。
張貼
