影片
更多
2019-07-09
303 瀏覽
平時我都比較偏好於中菜，好少食其他菜式。所以都幾長時間無食過西餐了。突然心思思開始尋覓西餐廳來解下口癮。見佢離屋企都係幾個站，一於約埋中學好友一齊撐抬腳，食個“燭光晚餐”，享受下西式嘅情調。入到餐廳睇到環境都幾小巧溫馨，仲有擺好餐巾。好似好正式咁。唸起有部電影個主角，攞啲餐巾當係口水肩，唸起就覺得搞笑。我地見MENU啲嘢食幾啱我地食，樣樣都想揀。於是我地就揀咗四樣嘢食：【比利時黃番茄凍配魷魚沙律】：我就唔中意食得啲菜嘅沙律，覺得好dry，我發覺佢呢度啲沙律都有肉噶，一係軟殼蟹，一係牛肉，我地就揀咗魷魚。食落真係好fresh，黃番茄配魷魚，真係好清新，有一種在大海暢遊的感覺！【龍蝦汁意大利麵配風味燒波士頓龍蝦】龍蝦整到好好味，啲配料好入味。意大利麵啲汁幾creamy，唔錯！【炭燒美國頂級肉眼扒】燒到啱啱口，入口好嫩滑juicy，牛味十足！【香草燒春雞】雞肉都整得幾好，肉質都好滑，表皮燒得微焦，味道都醃製得唔錯！樣樣嘢食都幾滿意，扭轉了我對西餐的刻板印象。先前真係覺得西餐唔好食，等得又耐，分量又少，又貴。不過今次係初味食嘅一餐讓我對西餐有點動心，雖然等待時間都會有點長，但我認為這樣的食物質
入到餐廳睇到環境都幾小巧溫馨，仲有擺好餐巾。好似好正式咁。
唸起有部電影個主角，攞啲餐巾當係口水肩，唸起就覺得搞笑。
我地見MENU啲嘢食幾啱我地食，樣樣都想揀。
於是我地就揀咗四樣嘢食：
【比利時黃番茄凍配魷魚沙律】：我就唔中意食得啲菜嘅沙律，覺得好dry，我發覺佢呢度啲沙律都有肉噶，一係軟殼蟹，一係牛肉，我地就揀咗魷魚。食落真係好fresh，黃番茄配魷魚，真係好清新，有一種在大海暢遊的感覺！
【龍蝦汁意大利麵配風味燒波士頓龍蝦】龍蝦整到好好味，啲配料好入味。意大利麵啲汁幾creamy，唔錯！
【炭燒美國頂級肉眼扒】燒到啱啱口，入口好嫩滑juicy，牛味十足！
【香草燒春雞】雞肉都整得幾好，肉質都好滑，表皮燒得微焦，味道都醃製得唔錯！
樣樣嘢食都幾滿意，扭轉了我對西餐的刻板印象。先前真係覺得西餐唔好食，等得又耐，分量又少，又貴。不過今次係初味食嘅一餐讓我對西餐有點動心，雖然等待時間都會有點長，但我認為這樣的食物質素值得等待，分量也充足，價錢也合理。
張貼
