M3 Italian (已結業)

又係一年一度重要的日子，每次重要的日子，都會揀m3，因為食左咁多次，冇一次係失手既。今日叫左個法國油封鴨腿香橙沙律。菜色一碟一碟上，慢慢食，正。等左十分鐘，鴨腿終於上菜，一上菜就聞到好大陣香橙味。鴨腿口感鬆脆，整到好似乳豬既感覺，正！鴨腿皮脆肉香，加埋橙一齊食，味道好特別，鹹中有陣香甜味，幾有創意。冇後悔叫左呢碟美食。叫左杯白酒享受下今日既friday night。呢間野真係好享受，環境好，優雅又唔嘈，飲住杯白酒特別有feel。真心覺得呢間野係沙田區最好食既西餐廳。之後叫埋個安格斯牛肉pizza黎食。點解會叫pizza，因為佢個pizza皮薄香脆，pizza上邊又足料。牛肉pizza個味調得啱啱好，橄欖，番茄加埋香料整到pizza好香又爽口。享受下浪漫的晚餐，今個星期五晚真係過得特別開心！