串皇 (已結業)

話說收左工，搭車經過元朗。心血來潮想食串皇，個心諗緊落唔落車好呢？當然，我有落到車啦。唔係既就唔會有呢篇食評啦。可能係閒日既關係，等既人唔太多。落完order，一陣就有得食啦。仲追到車返歸。牛肉串燒好有炭燒既香味，牛肉好有肉味。而且唔會燒到乾哂，牛肉好juicy。真係好正，都係7蚊一串。對於無辣不歡既我，實會點佢勁辣既辣汁。不過呢次就無以前既咁辣啦，以前辣到可以留在口腔一段時間。而家過左一陣，辣既感覺即刻無哂。但係，我都係鍾意食呢度既串燒。因為呢度好多種串燒有得你食，真係選擇好多元化。價錢好大眾化，味道都有番咁上下。真係覺得個姐姐好好人，因為每次燒完食物之前會問你辣定唔辣。之外，仲問你野食使唔使分開袋裝。真係好細心呀。