吉豚屋吉列豬扒專門店 (已結業)

越區睇戲（好少戲院播2D了，差不多半價）。7:40pm 睇戲，當然選擇食個靚先入場。少弟唔食牛，戲院旁就有呢間吉列豚肉專門店，至愛，二話不說啦。鋪內有少少油炸味，但可接受。睇見餐牌d相，大大件吉列豬扒，豬柳，大蝦。。。有選擇困難添。。。決定：吉列大蝦拼豬柳（$78）再加杯熱檸蜜（$8）有湯，有飯，有菜絲（唔似日本椰菜，口感帶點粗硬，亦冇免費添加。加菜要$9碟）。份量上冇欺場，味道亦不過不失。當然，唔應該跟好出名果間炸豬扒店相比，價錢係一開三（人地起碼$280起仲未加一）。 因為近戲院，憑票可當$8用。咁價錢，有這樣貨式，滿意。