我愛慢煮 (普慶坊) (已結業)

我愛慢煮位置：西營盤首先講下我地第一個前菜芝士溫泉蛋大啡菇（$36）顧名思義就係大啡菇上面有隻溫泉蛋同一塊芝士，溫泉蛋勁滑，再加上焗到有少少溶嘅芝士同埋下面個大啡菇，口感非常好，可以食到個層次感，好好味😋一樣要推介嘅，就係佢地既炸蕃薯條（$28），脆得黎又唔會話炸得好勁，再加埋個黑松露蛋白醬，作為前菜真係好開胃。另外，我要推介佢地既法式油封鴨脾（$118），油封技術非常之出色， 令到鴨髀入面嘅肉汁都封鎖住晒係入邊，味道亦都非常好，唔會太咸。🦆👍🏿🤤 之後要介紹就係安格斯頂級西冷牛扒，亦都係我地叫嘅最後一個主菜，首先要讚嘅係調味，用左香草加黑胡椒嘅味道進一步昇華左西冷牛扒嘅肉味，而且肉質適中，唔會好似出面花x餐廳嗰啲咁醃到淋哂，雖然有一邊煮得好好，但係另一邊有少少熟得滯，只有呢一個美中不足。最後要講嘅就係飲品，今次同朋友每人叫左一杯特飲，一杯係荔枝接骨木花特飲（$38），擺設非常之特別，味道都好好， 唔會太甜。另一杯係西柚薑啤特飲（$38），酸得黎帶少少薑嘅辣味，加上有少少糖水，飲起上黎好似坐緊過山車咁。當然唔少得嘅係環境啦，餐廳環境好寬敞好舒服，比我同朋友一個無憂無慮嘅環境進食。📩留言