影片
更多
2009-11-21
91 瀏覽
得12度...真係唔想離開被窩...可能天氣凍咗啦, 成日都想食野暖吓,一朝早食返個熱辣辣嘅早餐, 一杯熱奶茶,係令我回魂醒神嘅好辦法!!所以今朝極力抵抗寒風爬起身, 都要出去搵食...落到街已經凍到呢...經過太興...平時好少食,企喺門口睇吓有咩食...但門口實在太大風啦...企唔夠10秒就衝咗入去...可惜又係坐近門口, 依然大風...Anyway, 早餐呀~~ 我要食早餐呀!!!此時侍應哥哥竟然比我更心急, 我一坐底到揀野食, 佢都全程企係度等我落order, 都幾有壓力...諗咗一陣, 倉促咁叫咗個B4...沙爹牛肉腸仔米粉+熱奶茶 ($24) ! 沙爹牛肉腸仔米粉 :落order 2分鐘左右已經來到, 幾大碗, 牛肉份量不少, 可惜又係犯下一般茶餐廳嘅毛病, 就係牛肉用梳打粉係醃到好滑, 但味道已經變得無牛肉味, 同埋食到d酒味, 應該加咗燒酒醃肉, 我個人來講就唔多鐘意, 沙爹味未見突出, 油多咗d, 米粉亦煮得太稔...但腸仔唔係平時個d雞肉腸, 係西式個d香草腸, 腸仔幾好食! 加上一大條菜心, 都勉強合格啦~ 熱奶茶 :好彩食完碗米粉先到, 如果唔係唔駛一陣就吹
可能天氣凍咗啦, 成日都想食野暖吓,
一朝早食返個熱辣辣嘅早餐, 一杯熱奶茶,
係令我回魂醒神嘅好辦法!!
所以今朝極力抵抗寒風爬起身, 都要出去搵食...
落到街已經凍到呢...經過太興...平時好少食,
企喺門口睇吓有咩食...但門口實在太大風啦...企唔夠10秒就衝咗入去...
可惜又係坐近門口, 依然大風...
Anyway, 早餐呀~~ 我要食早餐呀!!!
此時侍應哥哥竟然比我更心急,
我一坐底到揀野食, 佢都全程企係度等我落order, 都幾有壓力...
諗咗一陣, 倉促咁叫咗個B4...沙爹牛肉腸仔米粉+熱奶茶 ($24) !
沙爹牛肉腸仔米粉 :
落order 2分鐘左右已經來到, 幾大碗, 牛肉份量不少,
可惜又係犯下一般茶餐廳嘅毛病, 就係牛肉用梳打粉係醃到好滑,
但味道已經變得無牛肉味, 同埋食到d酒味, 應該加咗燒酒醃肉,
我個人來講就唔多鐘意, 沙爹味未見突出, 油多咗d, 米粉亦煮得太稔...
但腸仔唔係平時個d雞肉腸, 係西式個d香草腸, 腸仔幾好食!
加上一大條菜心, 都勉強合格啦~
熱奶茶 :
好彩食完碗米粉先到, 如果唔係唔駛一陣就吹到變招牌無冰凍奶茶...
熱奶茶溫度夠, 可以再熱d, 飲落味道順口,
茶味唔單調, 飲落唔會有茶味過濃嘅澀味留喺口腔,
奶份量落得恰到好處, 唔會過多蓋過茶味,
亦唔會過少令奶茶唔夠香滑,
我一向對連鎖式茶餐廳快餐店嘅奶茶水準係有保留,
不過呢度嘅熱奶茶真係令我改觀,
真係要讚讚水吧沖奶茶嘅功力!!
希望佢地繼續保持水準啦~
食物只係"OK", 杯熱奶茶就係" 笑 ",
以下評分都係睇在杯熱奶茶份上...如果可以個別評分就好啦...
張貼
