城寨煲皇

營業中

休息中

如果世界上只可以食一個款菜式食到老，我諗我會選擇食火鍋！因為火鍋有好多唔同嘅湯底，食極都唔厭，仲要有唔同嘅火鍋配料，唔同配搭唔同味道。鮮茄龍蝦濃湯推薦指數:♡♡♡♡♡♡♡♡♡♡冇諗過咁好食！本身已經好鍾意飲龍蝦湯，加埋蕃茄初頭以為會唔夾點不知更加能夠突出龍蝦嘅鮮味，我自己都飲咗好多碗。非凡牛胸爽推薦指數:♡♡♡♡♡♡♡♡♡♡賣相成朵玫瑰花咁真係睇見都想食，我諗佢哋老闆嘅原意就係想吸引多啲女仔食呢一個牛胸爽！因為好多骨膠原，我諗食得多都可以令皮膚增加彈性！蝦滑拼墨魚滑推薦指數:♡♡♡♡♡♡♡♡♡♡蝦滑同墨魚滑相比，我自己會比較鍾意食墨魚滑多啲！好似比較彈牙同埋重墨魚香。嫩滑鴨血推薦指數:♡♡♡♡♡♡♡♡♡♡真係冇改錯名好滑捋捋，夾起嘅時候，大家要小心啲，好容易爛。我相信如果佢放落麻辣湯底都會更加正！而家放落龍蝦湯度吸晒啲湯汁好鮮美。