金記冰室 (已結業)

之前響西營盤金記買過金腿伍仁月餅幾好食，又其實成日都經過灣仔天樂里，但又沒有留意金記冰室，今次朋友約了我去下午茶，咁就決定去金記。我見到有新鮮牛肉餐，$41，本身是通粉，我要求轉福字麵，加$5，要雙太陽蛋，牛油方包要烘底，加$2，要凍檸茶，加$3。新鮮牛肉麵？原來是沒有將牛肉醃過，新鮮的將牛肉淥熟，所以差不多是原味牛肉，幾好咬口，另一重點是福字麵的味湯粉，我未落之前飲了一啖啖而無味的湯，當加味湯粉之後，味道就不同了，其實不懂形容此味道，但食過福字麵的人就會知道，福字麵少少彈牙，如果硬身些更好。雙太陽蛋加牛油方包烘底，我不喜歡弄穿蛋黃，喜歡先用义分開蛋白，食完蛋白後再一口食了蛋黃，蛋煎得不錯，沒有太熟，牛油方包烘底，即牛油多士，多士夠鬆化，如果牛油多一點更好。凍檸茶，茶底不錯，夠茶味，都算夠凍。