影片
更多
2017-09-18
74 瀏覽
上年要戒口，冇得食蟹，今年終於可以放口大膽食返蟹喇~~~原來富臨最近推出了一個極品黃油蟹餐於是約左幾個嗜蟹之人，去左其中一人屋企附近的富臨特登揀平日夜晚去，冇咁逼人這個極品黃油蟹餐(4人份) 真的齊全除左有頂級黃油蟹以外，還有響螺湯、乳豬、龍躉腩、蝦球蚌片、花膠，還有生煎包呢~~真的十分豐富，叫一個餐，就甚麼也不用煩惱清蒸頂級黃油蟹套餐包了兩隻黃油蟹，每人可享用半隻說實在，我喜歡食蟹，但不太喜歡在外食蟹，因為實在怕麻煩而且我食蟹喜歡把牠食得乾乾淨淨，連蟹爪的肉也不放過，所以食得好慢試過自己食一隻黃油蟹，食完其中一邊，另一邊已放涼了，錯過了品嚐的最佳時機，所以半隻蟹對於我來說是剛剛好蟹身已切開兩邊上菜，豐盈的蟹膏從外觀已可觀察得到蟹脚關節位也見黃油蹤跡其實以前細個未太識欣賞黃油蟹，食蟹只鍾意食蟹肉，而家則開始懂得細味 蟹膏的甘與香蟹膏呈半流質狀，把旁邊的蟹肉都渲染成美麗的金黃色啜一啜半溶的蟹膏及黃油，層層甘香濃郁充斥着口腔不枉我每年都會期待這一刻脆皮乳豬（半隻）今次因為掛住拆蟹，所以乳豬變左攤凍左少少才享用雖然凍左，但依然皮脆入口肥美，不過因為攤凍左才食，會略感脂膩唉…蟹與乳豬兩款都要趁
原來富臨最近推出了一個極品黃油蟹餐
於是約左幾個嗜蟹之人，去左其中一人屋企附近的富臨
特登揀平日夜晚去，冇咁逼人
這個極品黃油蟹餐(4人份) 真的齊全
除左有頂級黃油蟹以外，
還有響螺湯、乳豬、龍躉腩、蝦球蚌片、花膠，還有生煎包呢~~
真的十分豐富，叫一個餐，就甚麼也不用煩惱
清蒸頂級黃油蟹
套餐包了兩隻黃油蟹，每人可享用半隻
說實在，我喜歡食蟹，但不太喜歡在外食蟹，因為實在怕麻煩
而且我食蟹喜歡把牠食得乾乾淨淨，
連蟹爪的肉也不放過，所以食得好慢
試過自己食一隻黃油蟹，食完其中一邊，另一邊已放涼了，
錯過了品嚐的最佳時機，所以半隻蟹對於我來說是剛剛好
蟹身已切開兩邊上菜，
豐盈的蟹膏從外觀已可觀察得到
蟹脚關節位也見黃油蹤跡
其實以前細個未太識欣賞黃油蟹，
食蟹只鍾意食蟹肉，
而家則開始懂得細味 蟹膏的甘與香
蟹膏呈半流質狀，把旁邊的蟹肉都渲染成美麗的金黃色
啜一啜半溶的蟹膏及黃油，層層甘香濃郁充斥着口腔
不枉我每年都會期待這一刻
脆皮乳豬（半隻）
今次因為掛住拆蟹，所以乳豬變左攤凍左少少才享用雖然凍左，但依然皮脆
入口肥美，不過因為攤凍左才食，會略感脂膩
唉…蟹與乳豬兩款都要趁熱食嘛，我得一個口咋原盅燉響螺湯
湯清味鮮甜，一切不單歸功於響螺仲落左豬展及雞件，份外清甜滋潤
古法蒸龍躉腩
件件都好有肉地入口方知甚麼叫骨膠原，
龍躉腩味道滿有鮮味
墊底的木耳更是吸收了魚的精華
XO醬爆蝦球蚌片
加了XO醬令整碟菜式變得惹味起來蝦球十分大隻，爽口非常
蚌片 切成 中薄片，保持爽脆口感
蠔皇海花膠扒翡翠
又是另一道我最愛的骨膠原菜式
花膠自己家中也有一些，不過怕麻煩懶得浸發
所以好多時會出街食
這花膠是較薄身品種，已易入味兼冇咩腥味
用蠔皇汁炆便已很夠味
質感介乎於chewy 及彈牙之間
生煎菜肉包
生煎包一碟8隻，每人分到2隻包身漲卜卜，表面也略煎至金黃
還有芝麻灑面，賣相一流
食完以上咁多道菜，都已經好飽
唸住生煎包直接打包帶返屋企 第二日當早餐
不過朋友話更係趁熱試下先，
又係喎，生煎包真係即食最正嘛
結果忍唔住跟朋友share 一隻先
菜肉饀用料足，而且有肉汁，
包身軟熟，表面的芝麻更添美味
這餐極品黃油蟹餐實在豐富，食得滿足
張貼
