影片
更多
2015-07-30
1337 瀏覽
從朋友口中得知油麻地有間嘢叫澳門仔，開宗明意就係主打澳門美食啦，等我上openrice睇到佢有咩好嘢食先，見到啲野食賣相好吸引，咁我假假地都係一個澳門人，當然要支持下澳門嘅美食啦。好似海鮮乳豬煲咁，我即刻回想起幾年前喺澳門新濠x第一次試呢個煲，果種鮮甜簡直一試難忘，之後再返澳門時都有試過去其餘兩間豐x美食同水佬x，所以今次專程嚟都係為左回味呢個煲咋，另外當然有澳門馳名嘅豬扒包啦，我真係由細食到大，真係好鍾意澳門嘅美食呀。 今晚又約左幾個朋友嚟開餐，收工就約在油麻地站A1出口等，一出站行到砵蘭街轉右行幾步就到啦，非常就腳。澳門仔門面好光猛，舖位都幾大，枱與枱間夠闊落，旺區之中算坐得幾舒服，就當晚所見，人流不絕，仲越夜越多人添，好在侍應人手充足，服務亦都好周到。睇見個餐牌已經食指大動啦，淨係睇特式火鍋呢版都已經有選擇困難症了，張張相都咁吸引。另外一版係串燒同小食，有鹽燒鮮鮑魚仔、A5和牛、鵝肝多士...，真係花多眼亂，樣樣都好吸引呀。 最後我都係要叫返個 海鮮乳豬豬骨鍋試下先。一上枱就感受到果種震撼，好大堆頭呀 。 面層有 蟹，中蝦，大花蛤，再落有乳豬，雞腳，大大舊嘅豬骨，最底
今晚又約左幾個朋友嚟開餐，收工就約在油麻地站A1出口等，一出站行到砵蘭街轉右行幾步就到啦，非常就腳。
澳門仔門面好光猛，舖位都幾大，枱與枱間夠闊落，旺區之中算坐得幾舒服，就當晚所見，人流不絕，仲越夜越多人添，好在侍應人手充足，服務亦都好周到。
睇見個餐牌已經食指大動啦，淨係睇特式火鍋呢版都已經有選擇困難症了，張張相都咁吸引。另外一版係串燒同小食，有鹽燒鮮鮑魚仔、A5和牛、鵝肝多士...，真係花多眼亂，樣樣都好吸引呀。
最後我都係要叫返個 海鮮乳豬豬骨鍋試下先。一上枱就感受到果種震撼，好大堆頭呀 。 面層有 蟹，中蝦，大花蛤，再落有乳豬，雞腳，大大舊嘅豬骨，最底一層有粟米，芽白，蘿蔔等等。初時睇見個價錢覺得有點貴，但一嚟到後見到咁大煲足夠4個人食飽，就覺得簡直超值，計落好過食任食火鍋啲普通嘢啦。
海鮮乳豬豬骨煲
$528
121 瀏覽
1 讚好
0 留言
48 瀏覽
0 讚好
0 留言
炭燒豬扒包
$28
99 瀏覽
0 讚好
0 留言
寶箱藏金雞
$98
44 瀏覽
0 讚好
0 留言
原條蒜蓉燒茄子
$40
90 瀏覽
1 讚好
0 留言
原個椰青大菜糕
39 瀏覽
0 讚好
0 留言
題外話/補充資料：
一間店裡面有齊火鍋、燒烤、冷盤、炒粉麵飯同埋小炒咁多元化，但都能夠保持到每樣食物嘅質素，真係唔簡單，其實澳門人都好咀叼，可見老闆對食物都有一定要求和堅持。
其實好多年前喺澳門真係隨便揾間小店都覺得好好食，但當一出左名，人流多左，生意做都做唔切時，仲邊有咁多心思同時間做好每道菜呀。好記得以前喺沙梨頭有檔街邊檔叫細龜炒麵，炒麵炒到街知巷聞，而且愈夜愈旺，但只得細龜老闆一個人炒，日日忙到無停手，無休息，最終不但食物質素下降，連老闆都捱壞身體，而家已經再唔見細龜了，真係好可惜。
(以上食評乃用戶個人意見 , 並不代表OpenRice之觀點。)
張貼
