影片
更多
2018-12-03
1469 瀏覽
中環多左新境點-大館，我唔係遊客，當然無第一時間去行過。多得朋友帶我呢的鄉下妹去試下先第一黎，一入到大館，感覺好似去到1881咁，原來大家前身都係差館。呢度都幾多餐廳，今晚就book左呢間試下，叫做中文圖書館，但門外就係全部係外國人，餐廳入面好有電影場景咁，勁靚！餐牌內的選擇唔算太多，放心，食中菜有中文字餐牌😆，價錢都算中上。落完單，就會上呢2碟涼菜，一個似係芥末菜頭，呢一個似係酸梅車厘茄，2碟都覺得好有心，唔hea！呢個夠晒鑊氣，有4件，煮到岩岩好，唔會係全熟，而風沙食落有少少似避風唐風味咁！係呢3d餐廳食碟實勁唔抵架啦，但呢個芥蘭佢幫去左個皮，得番最幼既芯，又無葉，仲用石鍋熱住上，我就覺得好好食啦！呢個飯上菜時會問你洗唔洗分，懶人就當然最好食殘廢餐😆，請佢放底俾我影張相，就麻煩幫我地分2碗，你無聽錯，真係分得2碗😅，分量係少d，但有時細碟有細碟好。味道當然唔錯啦，濃味少少，可能只係我自己近來食得清淡。可以睇到靚仔侍應好優美咁幫我地分，幻想下換轉同樣事情，係普通酒樓...都係呢度好睇好多😂！咁靚既環境，食一次就夠，成間餐廳感覺去左外國既中餐廳，少少呃鬼佬咁，但野食同服務唔錯，我只飲熱
多得朋友帶我呢的鄉下妹去試下先第一黎，一入到大館，感覺好似去到1881咁，原來大家前身都係差館。
呢度都幾多餐廳，今晚就book左呢間試下，叫做中文圖書館，但門外就係全部係外國人，餐廳入面好有電影場景咁，勁靚！
餐牌內的選擇唔算太多，放心，食中菜有中文字餐牌😆，價錢都算中上。
落完單，就會上呢2碟涼菜，一個似係芥末菜頭，呢一個似係酸梅車厘茄，2碟都覺得好有心，唔hea！
風沙羊架
77 瀏覽
0 讚好
0 留言
呢個夠晒鑊氣，有4件，煮到岩岩好，唔會係全熟，而風沙食落有少少似避風唐風味咁！
鹹魚啫啫芥蘭煲
$138
58 瀏覽
1 讚好
0 留言
係呢3d餐廳食碟實勁唔抵架啦，但呢個芥蘭佢幫去左個皮，得番最幼既芯，又無葉，仲用石鍋熱住上，我就覺得好好食啦！
石鍋葱香鵝肝和牛炒飯
$235
59 瀏覽
1 讚好
0 留言
呢個飯上菜時會問你洗唔洗分，懶人就當然最好食殘廢餐😆，請佢放底俾我影張相，就麻煩幫我地分2碗，你無聽錯，真係分得2碗😅，分量係少d，但有時細碟有細碟好。味道當然唔錯啦，濃味少少，可能只係我自己近來食得清淡。
可以睇到靚仔侍應好優美咁幫我地分，幻想下換轉同樣事情，係普通酒樓...都係呢度好睇好多😂！
咁靚既環境，食一次就夠，成間餐廳感覺去左外國既中餐廳，少少呃鬼佬咁，但野食同服務唔錯，我只飲熱水，食飯中途都不停有幫我加水。
餐廳裝修都幾浪漫，我承認我老土，如果係食西餐，更有feel，可能係習慣食中餐既地方都係好光猛。
張貼
