鮨福助 (已結業)

上禮拜由上海返香港，太太已經book咗鮨福助，我當然唔會反對。經常來往中港兩地，只有週末返屋企。平時冷落嬌妻，返嚟香港食餐貴d嘅“補償”下都得啩？之前喺福助同朋友食過一次，但嗰次有d傷風，食之無味，寫感覺有欺騙之嫌。今次就唔同，有期待。餐廳主打魚生壽司。我覺得食魚生壽司除非你喺日本通，好似Lodax咁嘅半桶水最好唔扮識嘢，Omakase (お任せ) 就最穩陣！師傅第一味喺日本生蠔，用酸汁刺激一下味蕾。用料新鮮，蠔有甘味，正！ 再來mok皮白魚卷鮟鱇魚肝夾日本葱，又正。 第三道喺時令秋刀魚，魚味濃郁，晤食走寶！ 再來北極貝亦極鮮甜。跟手嚟二件toro，雖然唔係最肥嗰部份，但油香入喉，冇得頂！ 然後由師父創嘅紫菜卷鮮日本帶子鵝肝－倒覺得不及食食材鮮味過癮。好，轉戰壽司－先嚟魷魚，再嚟牡丹蝦。保持之前嘅高水準。跟住嘅炸海帶包海膽跟之前嘅紫菜卷鮮日本帶子鵝肝一樣，唔喺我杯荼。。。簡簡單單仲得我心，花巧可免則免。之後嘅木魚壽司，唔。。。木魚我都喺鐘意用嚟做木魚乾！做壽司有新鮮感但味薄。再食秋刀魚壽司，即刻囉返分！一樣肥美yummy。。。然後上牛肉壽司、海膽壽司、O－Toro壽司、深海池魚壽司。。