豆花妹撈米線 (已結業)

仲記得上年第一次係尖沙咀食豆花妹已經覺得好特別，今日行開好景，見到呢到仲有喎。而且仲多左好多唔同種類既野食。不過我都係鐘情原味豆花撈米線，叫餐都係$38,跟杯豆花奶茶同個小食。米線略軟，但個汁真係好正好香，加埋芫茜蔥超夾，而且醒埋暖熱既豆腐花又係另一種風味。加左$7要隻糖心蛋，比我想像中好食，個蛋仲有啲甜味。小食係鹽酥杏鮑菇，夠香脆，粉唔會厚。朋友要食雞翼，符乳雞翼好似好特別，不過唔多夠味。食咁多野兩個人都係$77,窮L恩物呀😍不過亦都係因為咁平，舖頭係無得坐住食架，側邊有張高窄枱，有幾個位可以企係到食，多人既時候唯有揸住黎食。