甘味處鎌倉 (希慎廣場)

營業中

休息中

天氣咁熱，梗係食下刨冰🍧消消暑！最近我就愛上銅鑼灣人氣店茶飲店「甘味處鎌倉」嘅刨冰及蕨餅，令人念念不忘😍🌟 生牛奶刨冰令人心心念念嘅刨冰，白雪雪嘅刨冰其實係生牛奶口味，好似雪山咁！牛奶味濃，甜道剛好，刨冰綿綿的，口感好好，亦唔會好快就溶👍🌟 草莓朱古力奶蕨餅香濃朱古力奶配大量草莓蓉及草莓粒，味道超夾，最底仲有煙煙韌韌嘅蕨餅，溝匀後飲就好有層次，仲唔會太甜！🌟 淺川園抹茶蕨餅呢款飲品根本就喺一款抹茶甜品，濃郁嘅抹茶配煙韌蕨餅，完全係日本嘅味道！🌟 原味/ 淺川園抹茶蕨餅佢哋嘅蕨餅係我嘅至愛，仲新出左抹茶口味，一打開就滿滿嘅黃豆粉及抹茶粉，完全蓋過哂啲蕨餅😂 每件蕨餅都好大粒，煙煙韌韌，唔太甜又唔黐牙，每次我都原粒放入口，超級滿足🥰